ຂະໜົມຄຸກກີ້ເຮັດດ້ວຍຂີ້ຕົມ ອາຫານຊັ້ນດີເພື່ອແກ້ຫິວຂອງປະຊາຊົນເຮຕິ

ຂະໜົມຄຸກກີ້ເຮັດດ້ວຍຂີ້ຕົມ ອາຫານຊັ້ນດີເພື່ອແກ້ຫິວຂອງປະຊາຊົນເຮຕິ

ການປັບຂຶ້ນລາຄາອາຫານເຮັດໃຫ້ເກີດຜົນກະທົບຫຼາຍກັບປະຊາຊົນເຮຕິທີ່ທຸກຍາກ ສະຖານະການໄດ້ບີບບັງຄັບໃຫ້ພວກເຂົາບໍ່ມີທາງເລືອກອື່ນນອກຫັນໄປນຳໃຊ້ຂີ້ຕົມເພື່ອມາເຮັດເປັນອາຫານ

ຂະໜົມຄຸກກີ້ຂີ້ຕົມເປັນອາຫານທີ່ປະທັງຄວາມຫິວໂຫຍຂອງປະຊາຊົນຄົນທຸກຍາກຊາວເຮຕິແບບດັ້ງເດີມ, ພວກເຂົາຈະເອົາຂີ້ຕົມປະສົມເນີຍ ເກືອ ແລ້ວນຳໄປຕາກແດດໃຫ້ແຫ້ງກ່ອນຈະນຳມາກິນ

ການກິນຄຸກກີ້ຂີ້ຕົມເປັນວິທີການເອົາຊີວິດລອດຂອງຊາວເຮຕິທີ່ທຸກຍາກ ເດັກນ້ອຍ ແລະ ແມ່ຍິງລວມເຖິງຄົນທີ່ຖືພາຕ່າງກໍ່ເລືອກອາຫານຊະນິດນີ້ເພື່ອກິນປະທັງຊີວິດ ແຕ່ມັນສ້າງຜົນກະທົບຕໍ່ສຸຂະພາບຂອງພວກເຂົາ ແລະ ເຮັດໃຫ້ຮ່າງກາຍໄດ້ຮັບສານອາຫານບໍ່ພຽງພໍ ເຖິງແມ່ນວ່າລັດຖະບານຈະພະຍາຍາມຫ້າມບໍ່ໃຫ້ຄົນເຮຕິກິນຄຸກກີ້ຂີ້ຕົມ ເພາະມັນສົກກະປົກ ແລະ ມີຜົນກະທົບຕໍ່ຮ່າງກາຍ ແຕ່ເມື່ອທ້ອງຫິວໂຫຍ ແລະ ເງິນບໍ່ມີພຽງພໍທີ່ຈະຊື້ອາຫານ ທາງເລືອກຂອງພວກເຂົາຈຶ່ງບໍ່ມີຫຼາຍ

ລາຄາອາຫານທີ່ເພີ່ມສູງຂຶ້ນແຕ່ຄວາມຈຳເປັນສຳລັບການບໍລິໂພກມັນບໍ່ເຄີຍຫຼຸດລົງ ເຮຕິເປັນປະເທດທີ່ຕ້ອງເພິ່ງພາສິນຄ້ານຳເຂົ້າຫຼາຍກວ່າ 40% ແລະ ອາຫານກໍ່ຄືກັນ ບວກກັບລາຄານໍ້າມັນທີ່ສູງຂຶ້ນ

ຂ່າວທົ່ວໄປ