ຄູຫລໍ່ແບບນີ້ຈະຕັ້ງໃຈຮຽນໄປໂຮງຮຽນທຸກມື້ບໍ່ຂາດ ລີມິນກະຢູ ຄູຫລໍ່ຈາກເກົາຫລີ

ປົກກະຕິແລ້ວ ອາຊີບຄູທີ່ເຮົາເຫັນສ່ວນໃຫຍ່ ແລະ ຄຸ້ນເຄີຍນັ້ນສ່ວນຫຼາຍກໍແມ່ນປ້າຄູ ຫຼື ສາວຄູ ແຕ່ອາຈານຜູ້ຊາຍກໍມີຫຼາຍຄືກັນ, ແຖມຍັງໜ້າຕາອີກ ເປັນຄູຫຼໍ່ທີ່ຕ້ອງໄດ້ບອກຕໍ່ແດ່ ອິອິ, ມື້ນີ້ພວກເຮົາເລີຍຈະມາແນະນຳໃຫ້ຮູ້ຈັກກັບອາຈານ ລີມິນກະຢູ ຄູຫຼໍ່ຈາກປະເທດເກົາຫຼີທີ່ນອກຈາກເປັນອາຈານສອນແລ້ວ, ໃນອີກບົດບາດໜຶ່ງຍັງເປັນນາຍແບບອີກດ້ວຍ ແນ່ນອນພວກເຮົາກໍບໍ່ພາດທີ່ຈະເປີດວາບນຳເອົາພາບຄູສຸດຮັອດຄົນນີ້ມາຝາກທຸກຄົນນຳ ຢູ່ອາລະບໍ້າລຸ່ມສຸດເລີຍ

ລີມິນກະຢູ (Lee Min Gyu) ຮຽນຈົບຈາກສາຂາ Elementary Gifted Education ມະຫາວິທະຍາໄລ Seoul National University of Education ໂດຍຄວາມຝັນຂອງໜຸ່ມຄົນນີ້ຄືການຢາກເປັນອາຈານ ຖ່າຍທອດບົດຮຽນໃຫ້ແກ່ນັກຮຽນໃຫ້ໄດ້ຫຼາຍທີ່ສຸດ

ໂດຍລາວມີຄວາມຄິດທີ່ວ່າ: ລາວມີຄວາມສຸກຫຼາຍໆເມື່ອເຫັນນັກຮຽນສາມາດເຕີບໂຕໃນເສັ້ນທາງ ແລະ ເດີນທາງໄປໃນເສັ້ນທາງທີ່ດີໄດ້ຈາກການບອກສອນ ແລະ ການແນະນຳຂອງລາວ

ແລະນອກຈາກຄວາມໃຝ່ຝັນໃນການເປັນຄູແລ້ວ ລາວຍັງຫຼົງໄຫຼການອອກກຳລັງກາຍເປັນພິເສດ ໂດຍສະເພາະແມ່ນການເພາະກາຍ ເວົ້າມາແນວນີ້ທຸກຄົນຄົງຈະຈິນຕະນາການອອກແລ້ວແມ່ນບໍ່? ວ່າຫຸ່ນຂອງໜຸ່ມຫຼໍ່ຄົນນີ້ຈະຊວນຟິນເທົ່າໃດ

ເພາະລາວກໍເຄີຍເຂົ້າການແຂ່ງຂັນນັກເພາະກາຍມາແລ້ວ, ລວມຍັງຮັບງານນາຍແບບ ແລະ ເປັນອີກໜຸ່ມທີ່ມັກທ່ອງທ່ຽວ ເຊິ່ງທ່ອງທ່ຽວມາແລ້ວເກືອບທົ່ວໂລກ