ຕະຫຼາດອົດຊີອອກມາຊີ້ແຈ້ງ ຈາກກໍລະນີຈັບຄົນຂີ້ລັກພ້ອມຫ້ອຍປ້າຍຄ້ອງຄໍ “ຄົນຂີ້ລັກ” ແຫ່ອ້ອມຕະຫຼາດ

ຕະຫຼາດອົດຊີອອກມາຊີ້ແຈ້ງ ຈາກກໍລະນີຈັບຄົນຂີ້ລັກພ້ອມຫ້ອຍປ້າຍຄ້ອງຄໍ “ຄົນຂີ້ລັກ” ແຫ່ອ້ອມຕະຫຼາດ

ມື້ເຊົ້ານີ້ມີການເປີດໂສມໜ້າໂຈນລັກເງິນຢູ່ຕະຫຼາດລາວ-ອົດຊີ ສູ່ສາຍຕາມວນຊົນ ເຫັນວ່າຜູ້ໜ້າຈົບຕາດີ ອຸດົມສົມບູນດີບໍ່ໜ້າຈະເປັນໂຈນແຕ່ກໍ່ເປັນໄປແລ້ວ ນີ້ແລນໍທີ່ເພິ່ນວ່າຮູ້ໜ້າບໍ່ຮູ້ດີ ໜ້າຕາຈົບງາມທາງໃນເປັນໝາກເດື່ອກໍ່ຊິປະມານນີ້

ກໍລະນີຄລິບທີ່ເຈົ້າໜ້າທີ່ຕະຫຼາດອົດຊີນຳຕົວຍິງໄວກາງຄົນພ້ອມຫ້ອຍປ້າຍຄ້ອງຄໍ “ຄົນຂີ້ລັກ” ແຫ່ອ້ອມຕະຫຼາດ ໄດ້ກາຍເປັນຄລິບທີ່ໂດ່ງດັງ ແລະ ສ້າງຄວາມຮືຮາຕໍ່ຜູ້ທີ່ໄດ້ເບິ່ງຄລິບດັ່ງກ່າວໃນເວລານີ້, ສັງຄົມໄດ້ຕັ້ງຄຳຖາມຕໍ່ການກະທຳດັ່ງກ່າວວ່າເປັນການກະທຳທີ່ສົມຄວນແລ້ວບໍ່?

ເຊິ່ງຄົນສ່ວນໃຫຍ່ກໍ່ເບິ່ງວ່າການກະທຳຂອງເຈົ້າໜ້າທີ່ຕະຫຼາດມັນເປັນການກະທໍາເກີນກວ່າເຫດ ຜູ້ກະທຳຜິດຄວນສົ່ງຕົວໃຫ້ເຈົ້າໜ້າທີ່ຕໍາຫຼວດຈັດຕາມດໍາເນີນການຕາມກົດໝາຍ ບໍ່ຄວນນຳຕົວຜູ້ກໍ່ເຫດແຫ່ປະຈານຕໍ່ສາທາລະນະ ເພື່ອສ້າງຄວາມອັບອາຍ

ເຖິງຢ່າງນັ້ນກໍຕາມ, ແຕ່ກໍ່ມີບາງກຸ່ມຄົນທີ່ຄິດຕ່າງ ເຫັນດີຕໍ່ການກະທຳຂອງເຈົ້າໜ້າຕະຫຼາດ ໂດຍໃຫ້ເຫດຜົນວ່າ ການປະຈານຜູ້ກະທຳຄວາມຜິດ ກໍ່ຄືການ “ເຊືອດໄກ່ໃຫ້ລິງເບິ່ງ” ເພື່ອເປັນຕົວຢ່າງໃຫ້ກັບຜູ້ທີ່ກະທຳຄວາມຜິດ ແລະ ຜູ້ທີ່ກຳລັງລິເລີ່ມທີ່ຄິດຈະກະທຳຄວາມຜິດ ໃຫ້ຮູ້ສຶກອັບອາຍ, ຢ້ານກົວ ແລະ ບໍ່ກ້າກະທຳຄວາມຜິດນັ້ນເອງ ເຊິ່ງວິທີດັ່ງກ່າວ ພວກເຮົາມັກຈະເຫັນຕາມຂ່າວຂອງຕ່າງປະເທດ

ຜູ້ກໍ່ເຫດຍອມຮັບສາລະພາບວ່າ ທີ່ຜ່ານມາເຄີຍລັກມາແລ້ວ ແຕ່ການລົງມືຄັ້ງນີ້ຖືກສິ່ງຊອມ ແລະ ດັກຊຸ້ມໄດ້ພ້ອມຫລັກຖານຈິ່ງໜີບໍ່ພົ້ນເຈົ້າໜ້າທີ່ຈັດສັນຕະຫຼາດ ຕາມການບອກກ່າວຂອງຜູ້ເສຍຫາຍໃຫ້ຮູ້ວ່າ ນາງໂຈນຜູ້ນີ້ໄດ້ມາຈົກເງິນໃນກະເປົາຂອງຕົນໄປແລ້ວຮອບໜຶ່ງໃນວັນທີ 15 ກໍລະກົດຜ່ານມາແຕ່ຈັບບໍໄດ້  ນາງໄດ້ໃຈຍັງມາລັກເອົາອີກຈິ່ງຖືກຈັບໄດ້ ຈົກເອົາບໍພໍ 10 ນາທີໄດ້ສອງລ້ານປາຍໆ

ຄລີບຊີ້ແຈງກໍລະນີຈັບຄົນລັກຊັບຢູ່ຕະຫຼາດສົດລາວອົດຊີ ໜອງແຕ່ງ

ຂ່າວທົ່ວໄປ