ນຸນີ່-ອ໊ອຟ ງົດງາມຫຼາຍໃນງານສະແດງແສງ ສີ ສຽງ ສານສຳພັນໄທ-ລາວ

ນຸນີ່-ອ໊ອຟ ງົດງາມຫຼາຍໃນງານສະແດງແສງ ສີ ສຽງ ສານສຳພັນໄທ-ລາວ

ງົດງາມ ແລະ ໜ້າຮັກສຸດ ເມື່ອເຫັນໜຸ່ມອ໊ອຟ ແລະ ສາວນຸນີ່ ມາໃນຊຸດດັ່ງຕົວລະຄອນໃນວັນນະຄະດີ ໃນໂຄງການ ການສົ່ງເສີມທ່ອງທ່ຽວ ວິຖີຊາວໜອງບົວລຳພູ ເຊິ່ງຄູ່ຮັກສາວລາວ-ບ່າວໄທ ຈາກລາຍການ Take Me Out Thailand ໄດ້ຮ່ວມງານສະແດງ ແສງ ສີ ສຽງ “ຕໍານານນະຄອນເຂື່ອນຂັນກາບແກ້ວບົວບານ” ທີ່ປະເທດໄທ

ເຫັນພາບແລ້ວປານວ່າຄູ່ຮັກຕັ້ງແຕ່ໃນປາງກ່ອນ ອ໊ອຟມາໃນຊຸດແມ່ທັບໄທສີຂຽວ ມາດເຂັ້ມ, ສ່ວນສາວນຸນີ່ມາໃນຊຸດຜ້າໄໝສີແດງ ເກົ້າຜົມ ບ່ຽງແພ ເປັນແມ່ຍິງທີ່ງົດງາມ

ພາບທີ່ເຫັນນັ້ນສົມກັນແທ້ໆ ແຟນຄລັບຢ່າງເຮົາເຫັນແລ້ວກໍປະທັບໃຈນຳ ເປັນອີກຄູ່ໃນວົງການບັນເທີງທີ່ວາງໂຕດີ ແລະ ເໝາະສົມກັນທີ່ສຸດ.​ ຢາກເຫັນພາບກັນແລ້ວບໍ່? ມ່ວນນຳເອົາມາຝາກເລື່ອນເບິ່ງທີ່ອາລະບໍ້າລຸ່ມສຸດເລີຍເດີ້

ຫຼັງຈາກໜຸ່ມອັອຟ ແລະ ສາວນຸນີ່ເທັກກັນອອກມາໄດ້ ທັງສອງກໍຕົກລົງສຶກສາເບິ່ງໃຈກັນ, ຈົນໜຸ່ມອ໊ອຟ ໄດ້ໄປສູ່ຂໍສາວນຸນີ່ຕາມປະເພນີ ເຊິ່ງເປັນງານທີ່ອົບອຸ່ນ ແລະ ໜ້າຮັກສຸດໆ ຖ້າໃຜໄດ້ຕິດຕາມຜ່ານທາງໄອຈີ ກໍຈະເຫັນວ່າໜຸ່ມອ໊ອຟ ລົງຮູບຫວານກັບຄູ່ຮັກຕະຫຼອດ

ຕັ້ງແຕ່ວັນນັ້ນເຖິງວັນນີ້ທັງສອງກໍຍັງເປັນຄູ່ຮັກທີ່ເຫຼົ່າຊາດເນັດມັກ ແລະ ຕິດຕາມຢູ່ສະເໝີ ດ້ວຍຄວາມໜ້າຮັກ ເຮຮາຂອງສາວນຸນີ່ ແລະ ດ້ວຍຄວາມເປັນໜຸ່ມທີ່ອົບອຸ່ນຂອງອ໊ອຟ ຈຶ່ງເຮັດໃຫ້ທັງສອງກາຍເປັນຄູ່ຮັກທີ່ໄດ້ຮັບການຈັບຕາມອງເປັນພິເສດ ບໍ່ວ່າຈະເປັນຄວາມຄ້າຍກັນທາງດ້ານຮອຍຍິ້ມ ແລະ ແວວຕາ ເຫັນແລ້ວຟິນ ອົດຍິ້ມນຳບໍ່ໄດ້ເລີຍວ່າບໍ່ທຸກຄົນ

 

ຂ່າວບັນເທີງ