ມື້ອື່ນເດີ້ ຮ່ວມສົ່ງທ່ານນາງຍອດແກ້ວ ລູກ​ສາວ​ປະ​ທານ​ສຸ​ພາ​ນຸ​ວົງ ຂື້ນສະຫວັນເປັນເທື່ອສຸດທ້າຍ

ມື້ອື່ນເດີ້ ຮ່ວມສົ່ງທ່ານນາງຍອດແກ້ວ ລູກ​ສາວ​ປະ​ທານ​ສຸ​ພາ​ນຸ​ວົງ ຂື້ນສະຫວັນເປັນເທື່ອສຸດທ້າຍ

ເປັນຂ່າວເສົ້າທີ່ສ້າງຄວາມຕົກໃຈໃຫ້ກັບປະຊາຊົນລາວບໍ່ໜ້ອຍ ເມື່ອທ່ຽງຄືນຂອງວັນທີ 29 ກໍລະກົດ 2020 ທຸແມ່ຍອດແກ້ວມະນີ ສຸພານຸວົງ ລູກສາວຂອງ ປະທານສຸພານຸວົງ ໄດ້ເສຍຊີວິດລົງແລ້ວ

ລູກຂໍໃຫ້ດວງວິນຍານຂອງທຸແມ່ຍອດແກ້ວມະນີ ສຸພານຸວົງ ທີ່ແສນເຄົາລົບຮັກ, ແສນດີ, ແສນປະເສີດ, ຊຶ່ງເປັນການນຳທີ່ເສຍສະຫຼະທຸກສິ່ງທຸກຢ່າງເພື່ອຕະກູນສຸພານຸວົງ, ເພື່ອປະເທດຊາດ, ປະຊາຊົນລາວບັນດາເຜົ່າ ທີ່ແທ້ຈິງ ຈົ່ງໄປສູ່ສຸຂະຕິເທີ້ນ, ສາທຸໆໆ

ຕາມແຈ້ງການຂອງສູນກາງແນວລາວສ້າງຊາດ, ຫ້ອງວ່າການສູນກາງພັກ, ກະຊວງຖະແຫຼງຂ່າວ, ວັດທະນະ ທໍາ ແລະ ທ່ອງທ່ຽວ, ຄະນະ ຊາປານະກິດສົບພ້ອມດ້ວຍ ຄອບຄົວ ສຸພານຸວົງໃຫ້ຮູ້ວ່າ: ທ່ານ ນາງ ຍອດແກ້ວມະນີ ສຸພານຸວົງ, ລູກສາວຄີງຂອງທ່ານປະທານ ສຸພານຸວົງ, ອະດີດຮອງຫົວໜ້າ ຫ້ອງວ່າການສູນກາງພັກ, ອະດີດ ຮອງປະທານສູນກາງແນວ ລາວສ້າງຊາດ ສະໄໝທີ X (ບໍ່ປະຈໍາການ), ອະດີດຫົວໜ້າ ພະແນກຄົ້ນຄວ້າຊ່ວຍລັດຖະ ມົນຕີກະຊວງຖະແຫຼ່ງຂ່າວ, ວັດ ທະນະທໍາ ແລະ ທ່ອງທ່ຽວ, ອາ ດີດປະທານສະຫະພັນແມ່ຍິງ, ກໍາມະບານ, ເລຂາຊາວໜຸ່ມ ຄອວ

ພາຍຫຼັງ ສະຫາຍ ໄດ້ມີການເຈັບ ເປັນໄລຍະໜຶ່ງ, ການຈັດຕັ້ງ,ຄອບຄົວຍາດພີ່ນ້ອງ ຄະນະແພດ ໝໍທັງພາຍໃນ ແລະ ຕ່າງປະເທດ ໄດ້ເອົາໃຈໃສ່ປິ່ນປົວຈົນສຸດ ຄວາມສາມາດແຕ່ກໍບໍ່ສາມາດ ກອບກູ້ເອົາຊີວິດຂອງສະຫາຍ ໄວ້ໄດ້, ສະຫາຍຈຶ່ງໄດ້ເສຍຊີວິດ ໃນເວລາ 17 ໂມງ 58 ນາທີ ຂອງວັນທີ 29 ກໍລະກົດ 2020 ລວມອາຍຸໄດ້ 74 ປີ

ເພື່ອຈາລຶກຄຸນງາມຄວາມດີ ຂອງສະຫາຍ ນາງ ຍອດແກ້ວ ມະນີ ສຸພານຸວົງ ທີ່ໄດ້ອຸທິດ ແກ່ປະເທດຊາດ ແລະ ການ ປະຕິວັດ, ດ້ວຍຄວາມອາໄລ ອາວອນຢ່າງສຸດຊຶ້ງຕໍ່ສະຫາຍ, ເຊິ່ງເປັນໜຶ່ງໃນພະນັກງານປະ ຕິວັດຂອງພັກ-ລັດ. ສູນກາງແນວລາວສ້າງຊາດ, ຫ້ອງວ່າການສູນກາງພັກ, ກະ ຊວງຖະແຫຼ່ງຂ່າວ, ວັດທະນະ ທໍາ ແລະ ທ່ອງທ່ຽວ ໄດ້ຕົກ ລົງໄຫວ້ອາໄລຢ່າງເປັນທາງ ການ ເປັນເວລາ 04 ວັນ ນັບ ແຕ່ວັນທີ 29 ກໍລະກົດ 2020 ເຖິງ ວັນທີ 02 ສິງຫາ 2020

ປັດຈຸບັນສົບຂອງເພິ່ນໄດ້ບຳເພັນ ກຸສົນໄວ້ຢູ່ທີ່ສະໂມສອນໃຫຍ່ ສູນກາງແນວລາວສ້າງຊາດ. ສ່ວນວັນຊາປະນາກິດສົບຈະ ໄດ້ຈັດຂຶ້ນຢ່າງເປັນທາງການໃນ ວັນອາທິດ ວັນທີ 02 ສິງຫາ 2020 ເວລາ 13:00 ໂມງ ທີ່ ວັດເທບນິມິດ (ທາດຝຸ່ນ). – ວັນຈັນ, ວັນທີ 03 ສິງຫາ 2020 ເປັນມື້ເກັບອັດຖິ. – ວັນອັງຄານ ວັນທີ 04 ສິງຫາ 2020 ເປັນມື້ຫ້າງຫາກະກຽມ ເຄື່ອງໄຊຍະທານຕ່າງໆ ຢູ່ທີ່ ເຮືອນຂອງເພິ່ນເອງ, ບ້ານສີວິໄລ, ເມືອງໄຊທານີ, ນະຄອນຫຼວງ ວຽງຈັນ. – ວັນພຸດ ວັນທີ 05 ສິງຫາ 2020 ເປັນມື້ຕັກບາດຖວາຍສັງຄະທານ. ດັ່ງນັ້ນ, ຈຶ່ງແຈ້ງຂ່າວເສົ້າສະ ຫຼົ້ດໃຈມາຍັງສະມາຊິກພັກ, ພະ ນັກງານ-ນັກຮົບ, ປະຊາຊົນ ບັນດາເຜົ່າ, ເພື່ອນມິດສະຫາຍ, ຍາດຕິພີ່ນ້ອງທີ່ຢູ່ໃກ້ ແລະໄກຊາບ ທົ່ວເຖິງກັນ

ຂ່າວທົ່ວໄປ