ສຸດສະເທືອນຂວັນ ສອງແມ່ລູກຖືກຄາດຕະກຳຢ່າງໂຫດຮ້າຍ ຢູ່ບ້ານທ່າພະລານໄຊ ເມືອງສີສັດຕະນາກ

ສຸດສະເທືອນຂວັນ ສອງແມ່ລູກຖືກຄາດຕະກຳຢ່າງໂຫດຮ້າຍ ຢູ່ບ້ານທ່າພະລານໄຊ ເມືອງສີສັດຕະນາກ

ເຫດຄາດຕະກຳຢູ່ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ ທີ່ຖືກບອກເລົ່າເມື່ອຕອນເຊົ້າວັນທີ 22 ກໍລະກົດ 2020 ໄດ້ສ້າງຄວາມສະເທືອນໃຈໃຫ້ກັບສັງຄົມເປັນຢ່າງສູງ ຜູ້ຖືກຄາດຕະກຳເປັນຜູ້ຍິງ ແລະ ລູກຊາຍ ຂະນະທີ່ຍັງບໍ່ທັນຮູ້ວ່າຜູ້ກໍ່ເຫດແມ່ນໃຜ

ແນວໃດກໍ່ຕາມ ເຫດການດັ່ງກ່າວຍັງບໍ່ມີລາຍລະອຽດຫຍັງຊັດເຈນ ແລະ ຍັງບໍ່ສາມາດລະບຸໄດ້ວ່າໃຜຄືຄາຕະກອນຕົວຈິງ, ດັ່ງນັ້ນ ໃຫ້ທຸກຄົນຕິດຕາມຂ່າວໃຫ້ດີ ແລ້ວແອັດຈະມາລາຍງານຄວາມຄືບໜ້າເພີ່ມຕື່ມ

ເຟສບຸກຂອງຜູ້ເສຍຊີວິດເຕັມໄປດ້ວຍຂໍ້ຄວາມສະແດງຄວາມເສຍໃຈ ແລະ ຄວາມອາໄລຕໍ່ການຈາກໄປຢ່າງບໍ່ມີວັນຫວນຄືນຂອງຜູ້ກ່ຽວ ແລະ ລູກຊາຍ ໂດຍທັງສອງພົບວ່າໝົດລົມຫາຍໃຈນອນຢູ່ພື້ນຢູ່ເຮືອນຂອງຕົນເອງໃນສະພາບເລືອດອາບ ເນື່ອງຈາກຖືກຄົນຮ້າຍໃຊ້ຂອງມີຄົມປາດຄໍ

ຂໍ້ມູນເບື້ອງຕົ້ນລະບຸວ່າ ກ່ອນທີ່ຈະເສຍຊີວິດ ຜູ້ກ່ຽວຍັງໄດ້ເດີນທາງໄປໄຫວ້ຮູບຫຼໍ່ຂອງພະເຈົ້າໄຊເສດຖາ ທີ່ຫໍທຳມະສະພາ ວັດພະທາດຫຼວງເໜືອ ໃນຕອນແລງຂອງມື້ກ່ອນໜ້ານັ້ນຢູ່

ຕອນນີ້ຍັງບໍ່ທັນມີຂໍ້ມູນອອກມາວ່າ ຜູ້ກ່ຽວ ແລະ ລູກຊາຍຖືກຄາດຕະກຳໂດຍໃຜ ແລະ ຍ້ອນແຮງຈູງໃຈອັນໃດ ແລະ ເຈົ້າໜ້າທີ່ຕຳຫຼວດກຳລັງດຳເນີນການສືບສວນສອບສວນຕາມຂັ້ນຕອນຂອງກົດໝາຍຢູ່. ແຕ່ເລື່ອງລາວການເສຍຊີວິດຂອງທັງສອງແມ່ລູກນີ້ ກໍໄດ້ສ້າງຄວາມສະເທືອນໃຈໃຫ້ແກ່ຍາດຕິພີ່ນ້ອງ, ໝູ່ເພື່ອນ ແລະ ຄົນຮູ້ຈັກ ລວມທັງສັງຄົມວົງກວ້າງໄປແລ້ວ ເນື່ອງຈາກເປັນເຫດຄາດຕະກຳທີ່ປ່າເຖື່ອນອີກຄັ້ງໜຶ່ງທີ່ເກີດຂຶ້ນ

ຂ່າວທົ່ວໄປ