ສົດໆຮ້ອນໆໄຟໄໝ້ຮ້ານອາຫານ 3434ສະຖານີໄວລຸ້ນທີ່ Laos Itecc

ສົດໆຮ້ອນໆໄຟໄໝ້ຮ້ານອາຫານ 3434ສະຖານີໄວລຸ້ນທີ່ Laos Itecc

ວັນທີ 01/08/2020 ເວລາ 20:10ໂມງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ ໄດ້ຮັບແຈ້ງເຫດຈາກປະຊາຊົນຜ່ານເບີໂທສຸກເສີນ 1623 ວ່າມີເຫດໄຟໄໝ້ຮ້ານອາຫານ3434 ຈຸດເກີດເຫດແມ່ນເຂດໄອເຕັກ ໜ່ວຍກູ້ໄພມູນນິທິໄດ້ອອກກວດສອບເຫດໄດ້ພົບເຫັນ ໄຟກຳລັງໄຫມ້ຮ້ານອາຫານຢ່າງຮຸນແຮງ

ທາງໜ່ວຍງານກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ແລະ ຫນ່ວຍງານສະກັດກັ້ນອັກຄີໄພນະຄອນຫລວງ ໃຊ້ເວລາປະມານ 30 ນາທີ ຈຶ່ງສາມາດຄວບຄຸມເພີງໄດ້ເປັນທີ່ຮຽບຮ້ອຍ  ສ່ວນຄວາມເສຍຫາຍແລະສາເຫດໃນການເກີດອັກຄີໄພໃນຄັ້ງນີ້ ມອບໃຫ້ທາງເຈົ້າຫນ້າທີ່ສອບສວນແລະສືບສວນຕໍ່ໄປ

ຫຼາຍປີມານີ້ໄວລຸ້ນທັງໄວກາງມັກນັດກັນໄປທີ່ສະຖານີ 3434 ເພາະວ່າຄືກຄັກແປກຕາ ບັນຍາກາດດີ ຈົນປະເທດເພື່ອນບ້ານເຖິງກັບສົນໃຈຢາກໄປແຈມນຳ ເຂົາສະອອນວ່າຮ້ານນີ້ຂາຍດີໆສຸດບໍ່ໄປໄວບໍ່ໄດ້ນັ່ງອີຫຼີ ແຕ່ມື້ນີ້ມີຂ່າວບໍ່ຄ່ອຍດີ ທ່າມກາງຝົນຕົກ ສະຖານີ 3434 ຖືກໄຟໄໝ້ຢ່າງກະທັນຫັນ

ກ່ຽວກັບສາເຫດທີ່ເກີດໄຟໄໝຄັ້ງນີ້ຄົງໃຫ້ເປັນໜ້າທີ່ຂອງເຈົ້າໜ້າທີ່ກ່ຽວຂ້ອງກວດສອບຕໍ່ໄປ(ໄຟໄໝ້ຕອນຄຳວັນທີ 1 ສິງຫາ 2020)

ຂ່າວທົ່ວໄປ