ເຈົ້າຂອງຈັດງານສົບໃຫ້ໄກ່ຢ່າງສົມກຽດ ເຊີ່ງເປັນໄກ່ແພງທີ່ສຸດໃນໂລກ 22 ລ້ານບາດ

ເຈົ້າຂອງຈັດງານສົບໃຫ້ໄກ່ຢ່າງສົມກຽດ ເຊີ່ງເປັນໄກ່ແພງທີ່ສຸດໃນໂລກ 22 ລ້ານບາດ

ເຈົ້າຂອງໄກ່ຕີທີ່ມີຊື່ວ່າ “ມະນີແດງ ເຊິ່ງມີຄ່າໂຕ 22 ລ້ານບາດ ຫຼື ປະມານ 6.2 ຕື້ກີບ ຕາຍເມື່ອວັນທີ 1 ມີນາ 2020 ທາງດ້ານເຈົ້າຂອງຟາມໄດ້ຈັດງານສົບໃຫ້ຢ່າງສົມກຽດ ໃສ່ໂລງສົບຄືກັບຄົນ

ເຈົ້າຂອງໄກ່ຕີໂຕດັ່ງກ່າວຊື່ວ່າ ມານະ ບຸນໂຊດ ຈາກຟາມໄກ່ຕີຊະນະໄຊຟາມ ແຂວງອະຍຸດທະຍາ ລາຊະອານາຈັກໄທ ໄດ້ຈັດງານສົບໃຫ້ຢ່າງສົມກຽດ ຫຼັງຈາກທີ່ຕາຍລົງດ້ວຍອາຍຸ 5 ປີ 9 ເດືອນ ໂດຍມີການນິມົນພະສົງສູດບັງສຸກຸນ ແລະ ຝັງຮ່າງຄົບຊຸດ

ພ້ອມນີ້ ເຈົ້າຂອງໄກ່ຕີໂຕນີ້ ຍັງໄດ້ນຳເອົາເງິນຈາກກອງທຶນຊະນະໄຊຟາມ ຫຼື ກອງທຶນມະນີແດງ ມອບໃຫ້ນັກຮຽນທີ່ຮຽນດີຮຽນເກັ່ງແຕ່ຂາດທຶນການສຶກສາ ລວມທັງໃຫ້ສຸກສາລາ ແລະ ວັດຕ່າງໆໃນພື້ນທີ່ອີກດ້ວຍ

ນອກຈາກນີ້ ກໍມີການສ້າງອະນຸສາວະລີຂອງມະນີແດງຂະໜາດເທົ່າໂຕແທ້ ເພື່ອເປັນທີ່ລະນຶກເຖິງຄວາມງາມຄຸນດີຂອງໄກ່ໂຕນີ້ທີ່ມີຕໍ່ຊະນະໄຊຟາມ ແລະ ຊາວກະສິກອນໃນພື້ນທີ່ ແລະ ທີ່ສ້າງຊື່ສຽງໃຫ້ກັບປະເທດໄທ ແລະ ຊື່ສຽງໂດ່ງດັງໄປທົ່ວໂລກ

ຂ່າວທົ່ວໄປ