ເຖິງຝົນຈະຕົກກໍ່ບໍ່ເຄີຍທໍ້ ພິທີສົ່ງສະການທ່ານນາງ ຍອດແກ້ວມະນີ ສຸພານຸວົງ ຂຶ້ນສູ່ສະຫວັນຊັ້ນຟ້າ

ເຖິງຝົນຈະຕົກກໍ່ບໍ່ເຄີຍທໍ້ ພິທີສົ່ງສະການທ່ານນາງ ຍອດແກ້ວມະນີ ສຸພານຸວົງ ຂຶ້ນສູ່ສະຫວັນຊັ້ນຟ້າ

ພິທີສົ່ງສະການ ທ່ານ ນາງ ຍອດແກ້ວມະນີ ສຸພານຸວົງ ຂຶ້ນສູ່ສະຫວັນຊັ້ນຟ້າ ເຖິງຝົນຈະຕົກ ຟ້າຈະຮ້ອງ ຊາວຫນຸ່ມຂອງພວກເຮົາ ກໍ່ບໍ່ເຄີຍທໍ້ຖອຍ. ຊົມເຊີຍສະມາຊິກຊາວຫນຸ່ມ ສູນກາງແນວລາວສ້າງຊາດ ແລະ ສະມາຊິກຊາວຫນຸ່ມ ສູນກາງຊາວຫນຸ່ມ ປປລ ທີ່ເຕົ້າໂຮມ ຄວາມສາມະຄີ ໃນງານ

ຮ່ວມໄວ້ອາໄລຢ່າງສຸດຊຶ້ງຕໍ່ການຈາກໄປຂອງ ທ່ານ ນາງ ຍອດແກ້ວມະນີ ສຸພານຸວົງ ຮອງປະທານສູນກາງແນວລາວສ້າງຊາດ ເປັນລູກສາວຄີງ ອັນເປັນທີ່ຮັກຂອງປະທານ ສຸພານຸວົງ ເປັນການນຳພັກລັດ ທີ່ປະຊາຊົນໃຫ້ຄວາມເຄົາລົບນັບຖືກ ຮັກແພງ ຄຸນງາມຄວາມດີຂອງທ່ານ ຈະຖືກຈາລຶກໄວ້ໃນດວງໃຈຂອງ ປວງປະຊາຊົນລາວ ຕະຫຼອດໄປ

ກໍານົດວັນຊາປະກິດສົບ ທ່ານ ນາງ ຍອດແກ້ວມະນີ ສຸພານຸວົງ ລູກສາວຄີງ ຂອງທ່ານປະທານສຸພານຸວົງ ຫ້ອງວ່າການສູນກາງພັກ, ສູນກາງແນວລາວສ້າງຊາດ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ຄະນະຊາປານະກິດສົບ ພ້ອມດ້ວຍຄອບຄົວ ສຸພານຸວົງ ໄດ້ແຈ້ງຂ່າວເສົ້າສະຫຼົດໃຈ ຕໍ່ກັບການຈາກໄປຂອງທ່ານ ນາງ ຍອດແກ້ວມະນີ ສຸພານຸວົງ

ປັດຈຸບັນ ສົບຂອງເພີ່ນໄດ້ຈັດຕັ້ງບໍາເພັນກຸສົນ ຢູ່ທີ່ຫ້ອງປະຊຸມໃຫຍ່ຊັ້ນ II, ສູນກາງແນວລາວສ້າງຊາດ, ເມືອງຈັນທະບູລີ, ນະຄອນຫຼວງວຽງຈັນ.

– ວັນຊາປະກິດສົບ ຈະໄດ້ຈັດຂື້ນໃນວັນອາທິດ, ວັນທີ 02 ສິງຫາ 2020 ທີ່ວັດເທບນິມິດທາດຝຸ່ນ ໃນເວລາ 13:00 ໂມງ

– ວັນຈັນ, ວັນທີ 03 ສິງຫາ 2020 ເປັນມື້ເກັບອັດຖິ

– ວັນອັງຄານ, ວັນທີ 04 ສິງຫາ 2020 ເປັນມື້ຫ້າງຫາກະກຽມເຄື່ອງໄທຍະທານຕ່າງໆ ຢູ່ທີ່ເຮືອນຂອງເພິ່ນເອງ, ບ້ານສີວິໄລ, ເມືອງໄຊທານີ, ນະຄອນຫຼວງວຽງຈັນ

– ວັນພຸດ, ວັນທີ 05 ສິງຫາ 2020 ເປັນມື້ຕັກບາດຖວາຍສັງຄະທານ

ທ່ານ ນາງ ຍອດແກ້ວມະນີ ສຸພານຸວົງ, ເປັນລູກສາວຄີງ ຂອງທ່ານປະທານສຸພານຸວົງ, ອາດີດຮອງຫົວໜ້າຫ້ອງວ່າການສູນກາງພັກ, ອາດີດຮອງປະທານບໍ່ປະຈໍາການ ສູນກາງແນວລາວສ້າງຊາດ ສະໄໝທີ X ,ອາດີດຫົວໜ້າພະແນກຄົ້ນຄວ້າ ຊ່ວຍລັດຖະມົນຕີ ກະຊວງຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ, ອາດີດປະທານສະຫະພັນແມ່ຍິງ, ກໍາມະບານ, ເລຂາຊາວໜຸ່ມ ຄອວ

ເຊິ່ງເພີ່ນໄດ້ເຖິງແກ່ມໍລະນະກຳ ໃນເວລາ 17:58 ໂມງ ຂອງວັນທີ 29 ກໍລະກົດ 2020 ດ້ວຍພະຍາດຂອງເພິ່ນເອງ ລວມອາຍຸ 75 ປີ

ຂ່າວທົ່ວໄປ