ເຖີງຕົວຈະຈາກໄປແຕ່ໃຈຍັງຄິດຮອດ ທຸກມື້ນີ້ຍັງຄົງຫ່ວງໃຍອາໄລຫາ ບໍ່ມີສາມີທີ່ຮັກຢູ່ຄຽງຂ້າງແລ້ວ

ເຖີງຕົວຈະຈາກໄປແຕ່ໃຈຍັງຄິດຮອດ ທຸກມື້ນີ້ຍັງຄົງຫ່ວງໃຍອາໄລຫາ ບໍ່ມີສາມີທີ່ຮັກຢູ່ຄຽງຂ້າງແລ້ວ

ແນ່ນອນວ່າການສູນເສຍບຸກຄົນສໍາຄັນໃນຄອບຄົວ ບໍ່ມີໃຜປາຖະໜາຢາກໃຫ້ເກີດຂຶ້ນ ແຕ່ກໍ່ປາສະຈາກບໍ່ໄດ້ເພາະກາ່ນເກີດແກ່ເຈັບຕາຍມັນເປັນເລື່ອງທໍາມະດາຂອງສັດໂລກແຕ່ມັນກໍ່ບໍ່ແມ່ນເລື່ອງງ່າຍທີ່ຜູ້ຍັງຢູ່ຈະທໍາໃຈໄດ້ໂດຍໃຊ້ເວລາອັນສັ້ນ

ເປັນເວລາເກືອບ3ເດືອນແລ້ວທີ່ລາຊາເພັງລູກທົ່ງບ້ານນາ ກິ ດາວເພັດ ໜູຫ່ວງ ລາໂລກໄປແບບບໍ່ມີວັນຫວນກັບ ສ້າງຄວາມຕົກໃຈ ແລະ ເສົ້າເສຍໃຈໃຫ້ກັບແຟນເພງໃນທົ່ວປະເທດ ໂດຍສະເພາະແມ່ນຄອບຄົວຂອງຜູ້ກ່ຽວເອງ ທີ່ບໍ່ວ່າວັນເວລາຈະຜ່ານໄປດົນປານໃດກໍ່ຍັງທໍາໃຈບໍ່ໄດ້, ຍັງຄິດຮອດ ຫ່ວງຫາຕະຫຼອດເວລາ.

ເອື້ອຍຄໍາພຸດ ໜູຫ່ວງ ເມຍສຸດທີ່ຮັກຂອງອາຈານ ກິ ດາວເພັດ ໜູຫ່ວງ ທີ່ຍັງຍອມຮັບການຈາກໄປຂອງຜູ້ເປັນສາມີບໍ່ໄດ້ ທຸກມື້ນີ້ຍັງຄົງຫ່ວງໃຍອາໄລຫາ ໂດຍເຮັດໄດ້ພຽງໃຊ້ສື່ອອນລາຍສົ່ງຂໍ້ຄວາມຜ່ານເຟສບຸກລະບາຍທຸກຄວາມໃນໃຈທີ່ອຸກອັ່ງ ຫວັງໃຫ້ສາມີຮັບຮູ້ໄດ້

ຍິ່ງໃນມື້ສໍາຄັນ ວັນຄ້າຍວັນເກີດຂອງຕົນເອງຍິ່ງເປັນການຕອກຢໍ້າຄວາມຮູ້ສຶກນຶກຄິດນັ້ນທີ່ຕອນນີ້ບໍ່ມີສາມີທີ່ຮັກຢູ່ຄຽງຂ້າງແລ້ວ

ຂ່າວທົ່ວໄປ