ແກ້ວຕາ ສາວລາວດັງຂ້າມນໍ້າຂອງເປັນນາງເອກເອັມວີຂອງ ໜຸ່ມໄຜ່ ວົງສະທອນ ເພງ “ອ້າຍເກັ່ງກະດໍ້”

ແກ້ວຕາ ສາວລາວດັງຂ້າມນໍ້າຂອງເປັນນາງເອກເອັມວີຂອງ ໜຸ່ມໄຜ່ ວົງສະທອນ ເພງ “ອ້າຍເກັ່ງກະດໍ້”

ພາກັນຟັງແລ້ວບໍ່? ເພງ: ອ້າຍເກັ່ງກະດໍ້ ຂອງສິລະປິນດັງຊາຍຍອດນິຍົມ “ໄຜ່ ພົງສະທອນ” ນັກຮ້ອງລູກທົ່ງຝັ່ງໄທ ທີ່ມີຊື່ສຽງໂດ່ງດັງໃນວົງການເພງ, ບໍ່ວ່າຈະປ່ອຍຜົນງານເພງໃດກໍດັງ ແລະ ເປັນທີ່ນິຍົມ, ຫຼ້າສຸດໄດ້ ສາວລາວ “ແກ້ວຕາ ພອນປະເສີດ” ໄດ້ຮັບໂອກາດໄປຮ່ວມສະແດງເອັມວີນຳ ຮັບບົດເປັນນາງເອກ ເຊິ່ງແກ້ວຕາກໍສາມາດຖ່າຍທອດອາລົມໄດ້ສົມບົດບາດແທ້ໆ

ເພງ “ອ້າຍເກັ່ງກະດໍ້” ມີເນື້ອໃນເພງເລົ່າເຖິງຄົນອົກຫັກ ທີ່ບໍ່ສົມຫວັງກັບຄວາມຮັກ ຟັງແລ້ວອິນ ຄົນອົກຫັກນໍ້າຕາໄຫຼແນ່ນອນ! ມີເນື້ອໃນບາງທ່ອນກ່າວວ່າ: ອ້າຍບໍ່ໄດ້ເປັນຫຍັງ ອ້າຍເກ່ງກະດໍ້ ຍັງຫາຍໃຈບໍ່ຕາຍດອກສໍ່ານີ້ ປະໂຫຍກເດັດຈີ້ໃຈສຸດ ເປັນເພງເສົ້າສຸດຊຶ້ງຂອງຄົນອົກຫັກໃນປີ 2020 ກໍວ່າໄດ້

ດັ່ງທີ່ຮູ້ວ່າ ສາວແກ້ວຕາ ເປັນເຈົ້າແມ່ເອັມວີເພງລາວ ຍ້ອນຄວາມສາມາດ ແລະ ເອກະລັກສະເພາະໂຕ ຈຶ່ງເຮັດໃຫ້ສາວນ້ອຍຄົນເກັ່ງຄົນນີ້ໄດ້ຮັບໂອກາດທີ່ດີຢູ່ສະເໝີ ແລະ ກໍຮູ້ສຶກດີໃຈທີ່ໄດ້ເຫັນຄົນລາວ ແລະ ໄທ ໄດ້ມີໂອກາດຮ່ວມງານກັນ ເພື່ອ ຜະລິດຜົນງານເພງທີ່ໄດ້ຄຸນນະພາບອອກສູ່ສາຍຕາສັງຄົມ. ຖືໄດ້ວ່າເປັນອີກຜົນງານເພງທີ່ຢາກໃຫ້ທຸກຄົນໄດ້ຟັງ ແລະ ສະໜັບສະໜຸນຄົນໃນວົງການບັນເທີງບ້ານເຮົາໃຫ້ກ້າວຕໍ່ໄປເລື້ອຍໆ

ຂ່າວບັນເທີງ