ແອັບເປິ້ນ ອາລົມເດືອດໃສ່ສາວຄອມເມັ້ນວ່າລືມຊາດ(ທີ່ເວົ້າໄທເພາະມີຜົວຄົນໄທ)

ແອັບເປິ້ນ ອາລົມເດືອດໃສ່ສາວຄອມເມັ້ນວ່າລືມຊາດ(ທີ່ເວົ້າໄທເພາະມີຜົວຄົນໄທ)

ເປັນປະເດັນດຣາມາຂຶ້ນ ເມື່ອມີຍິງສາວຄົນໜຶ່ງກ່າວຫາວ່າສາວ “ແອັບເປິ້ນ ສີສະຫງຽນ” ລືມຊາດເກີດ ບໍ່ມັກເວົ້າພາສາລາວ, ຈາກເຫດການດັ່ງກ່າວ ເຮັດໃຫ້ ສາວແອັບເປິ້ນ ອອກມາອະທິບາຍວ່າ: ເຫດຜົນທີ່ມັກເວົ້າພາສາໄທຍ້ອນຕົນມີຜົວເປັນຄົນໄທ ແລະ ເປັນຄົນໃນວົງການບັນເທີງອີກດ້ວຍ

ນອກຈານັ້ນ, ວົງການທີ່ຕົນເຮັດວຽກ ເຮັດທຸລະກິດ ແລະ ຈຳນວນຜູ້ຕິດຕາມສ່ວນຫຼາຍກໍ່ເປັນຄົນໄທ 90 ເປີເຊັນ ສະນັ້ນ, ເວລາອັດຄລິບ ແລະ ພົວພັນວຽກ ຕົນຈຶ່ງຈຳເປັນຕ້ອງໄດ້ເວົ້າເປັນພາສາໄທເພື່ອສະດວກ ແລະ ເຂົ້າໃຈໃນເວລາປະສານງານ

ສ່ວນເວລາທີ່ຕົນພົບກັບຄົນລາວກໍ່ໄດ້ລົມເປັນພາສາລາວ, ກັບປະເທດລາວກໍ່ເວົ້າພາສາລາວ ແລະ ຢູ່ໃນເຮືອນ ຢູ່ກັບຄອບຄົວພາຍໃນຕົນກໍ່ໄດ້ລົມພາສາລາວເຊັ່ນກັນ ແລະ ບໍ່ແມ່ນຄົນລືມຊາດກຳເນີດຂອງໂຕເອງ ຕົນຮັກ-ເຄົາລົບປະເທດຂອງຕົນເອງສະເໝີ

ພ້ອມນີ້, ແອັບເປິ້ນ ຍັງຝາກໄປບອກຄົນທີ່ກ່າວຫາວ່າຕົນລືມຊາດເກີດ ແລະ ບໍ່ມັກເວົ້າພາສາລາວແດ່ ຂໍໃຫ້ຮັບຮູ້ໄວ້ ເຂົ້າໃຈເຫດຜົນຂອງຕົນ ແລະ ທີ່ສຳຄັນຄວນເບິ່ງພຶກຕິກຳທີ່ຕົນເຮັດຢູ່ທຸກມື້້ນີ້ວ່າມັນສົມຄວນແລ້ວບໍ່

ຂ່າວບັນເທີງ