ໄວ້ອາໄລນາງຟ້າໜ່ວຍກູ້ໄພ 1623 ຈາກໄປຍ້ອນອຸບັດຕິເຫດທາງລົດ ສະແດງຄວາມເສຍໃຈມາຍັງຄອບຄົວ

ໄວ້ອາໄລນາງຟ້າໜ່ວຍກູ້ໄພ 1623 ຈາກໄປຍ້ອນອຸບັດຕິເຫດທາງລົດ ສະແດງຄວາມເສຍໃຈມາຍັງຄອບຄົວ

ຂໍສະແດງຄວາມເສຍໃຈມາຍັງຄອບຄົວແກ້ວໄມວັນ ແລະ ໜ່ວຍກູ້ໄພ 1623 ທີ່ເສຍບຸກຄົນສຳຄັນໃນຄອບຄົວ ເຊິ່ງໄດ້ສູນເສຍຜູ້ເປັນລູກ, ເປັນຫຼານ ກໍ່ຄື ນາງ ທິບພາພອນ ແກ້ວໄມວັນ ຫຼື ຕີ່ ຊຽນກຸນແຈ ອາສາສະໝັກໜ່ວຍກູ້ໄພ 1623. ຈຸດປະຈຳການນາເລົ່າ ທີ່ໄດ້ເສຍຊີວິດ ໃນເວລາ 23:30 ຂອງວັນທີ 5 ພຶດສະພາ 2020

ສາເຫດການເສຍຊີວິດ ຍ້ອນເກີດອຸບັດຕິເຫດທາງລົດ ໃນຂະນະທີ່ກຳລັງຂັບລົດໄປສົ່ງໝູ່ ເຊິ່ງໄດ້ເຮັດໃຫ້ຜູ້ກ່ຽວເສຍຊີວິດທີ່ໂຮງໝໍໃນເວລາຕໍ່ມາ ສົບເພີ່ນໄດ້ບຳເພັນກຸສົນ ທີ່ບ້ານທົ່ງປົ່ງ ມື້ສົ່ງສະການແມ່ນ ວັນພະຫັດທີ 7 ພຶດສະພາ 2020.

ໃນຄັ້ງທີ່ມີຊີວິດ ເພິ່ນໄດ້ອຸທິດຕົນຊ່ວຍເຫຼືອສັງຄົມດ້ວຍໃຈຕະຫຼອດມາ ແລະ ສ້າງຄວາມດີຊ່ວຍຊີວິດຄົນຈຳນວນບໍ່ໜ້ອຍ, ເຖິງຈະຈາກໄປບໍ່ມີວັນຫວນຄືນ ແຕ່ຄວາມດີຂອງທິບພາພອນຈະຢູ່ໃນໃຈປະຊາຊົນລາວຕະຫຼອດໄປ

ຂ່າວທົ່ວໄປ