ໝໍແນ່ງ ງາມທັງກາຍທັງໃຈ ແຈກນໍ້າຫວານໃຫ້ແພດໝໍທີ່ໂຮງໝໍມະໂຫສົດຈຳນວນ 95 ຂວດ

ໝໍແນ່ງ ງາມທັງກາຍທັງໃຈ ແຈກນໍ້າຫວານໃຫ້ແພດໝໍທີ່ໂຮງໝໍມະໂຫສົດຈຳນວນ 95 ຂວດ

ຖືໄດ້ວ່າເປັນຄົນດັງອີກຄົນ ທີ່ງົດງາມທັງກາຍທັງໃຈ ແລະ ເປັນອີກຜູ້ໜຶ່ງທີ່ເຄື່ອນໄຫວຊ່ວຍເຫຼືອສັງຄົມຢູ່ຕະຫຼອດ ສຳລັບ “ໜໍແນ່ງ” ຫຼື “ແນ່ງ – ຈັນດາລີ ສິດພະໄຊ” ໝໍ-ນັກສະແດງສາວທີ່ເປັນທີ່ຮູ້ຈັກຂອງຊາວເນັດ ແລະ ແວດວົງບັນເທີງເປັນຢ່າງດີ

ເຮົາມັກຈະເຫັນຂ່າວຢູ່ເລື້ອຍໆວ່າ ເພິ່ນເປັນຄົນດີຂອງສັງຄົມທີ່ແທ້ຈິງ ບໍ່ວ່າປະເທດເຮົາຈະປະສົບກັບວິກິດການ ຫຼື ໄພພິບັດໃດ ເພິ່ນກໍຍື່ນມືໃຫ້ຄວາມຊ່ວຍເຫຼືອມາໂດຍຕະຫຼອດ. ຫຼ້າສຸດ ໝໍແນ່ງໄດ້ໂພສຮູບພາບການແຈກຢາຍນໍ້າຫວານໃຫ້ແພດໝໍ ທີ່ໂຮງໝໍມະໂຫສົດ ຈຳນວນ 95 ຂວດ ຜ່ານເຟສບຸກສ່ວນຕົວ ເພື່ອເປັນກຳລັງໃຈໃຫ້ແພດໝໍໃນການປະຕິບັດໜ້າທີ່ວຽກງານ

ຂໍຊົມເຊີຍຄວາມມີນໍ້າໃຈຂອງໝໍແນ່ງ ແລະ ນີ້ກໍເປັນອີກຄັ້ງທີ່ໝໍແນ່ງໄດ້ສະໜັບສະໜຸນຊ່ວຍເຫຼືອແພດໝໍນຳກັນ. ງົດງາມທັງກາຍ ແລະ ໃຈ ພ້ອມອຸທິດຕົນໃຫ້ສັງຄົມຢູ່ສະເໝີ, ເຮົາຈຶ່ງບໍ່ແປກໃຈເລີຍວ່າ ເປັນຫຍັງໃຜໆຕ່າງກໍຫຼົງຮັກ, ຊື່ນຊົມ ແລະ ຕິດຕາມໝໍແນ່ງຢູ່ຕະຫຼອດ

ຂ່າວບັນເທີງ