ບໍ່ໃຫ້ 3ອ້າຍນ້ອງໜູຫ່ວງຕ້ອງຂາດຫາຍເມື່ອນ້ອງບິກເຮັດໜ້າທີ່ແທນພໍ່ ເປັນຕົວແທນພໍ່ອອກທົວຄອນເສີດ

ບໍ່ໃຫ້ 3ອ້າຍນ້ອງໜູຫ່ວງຕ້ອງຂາດຫາຍເມື່ອນ້ອງບິກເຮັດໜ້າທີ່ແທນພໍ່ ເປັນຕົວແທນພໍ່ອອກທົວຄອນເສີດ

ແນ່ນອນຫຼາຍຄົງຄົງຍັງໂສກເສົ້າຢູ່ ກັບການສູນເສຍ ລາຊາເພງ ລູກທົ່ງ​ ສິນລະປິນ ດັງຂອງລາວ ຫົວໜ້າວົງດົນຕີໃຫຍ່ຢ່າງ ໜຸ່ມໂກສິນຄື ກິດາວເພັດ ໜູຫ່ວງ  ທີ່ໄດ້ຈາກພວກເຮົາໄປໃນເຊົ້າວັນທີ 24 ເມສາ 2020 ລວມອາຍຸພຽງ 49 ປີ

 

ເປັນເວລາ 3​ເດືອນກວ່າແລ້ວກັບການຈາກໄປຂອງລາຊາເພັງລູກທົ່ງບ້ານນາ ກິ ດາວເພັດ ໜູຫ່ວງ ທີ່ສູນເສຍໄປເມື່ອທ້າຍເດືອນເມສາທີ່ຜ່ານມາ. ແນວໃດກໍ່ຕາມ ເຖິງແມ່ນວ່ານັກຮ້ອງດັງຄົນນີ້ຈະບໍ່ມີຊີວິດຢູ່ແລ້ວ ແຕ່ທຸກຜົນງານຂອງຜູ້ກ່ຽວແມ່ນຍັງຄົງດັງກ້ອງ ສ້າງຄວາມສຸກໃຫ້ກັບແຟນເພງທຸກທົ່ວໜ້າ

 

ຫຼັງຈາກພໍ່ກິດາວເພັດ ໜູຫ່ວງລ່ວງລັບໄປ ໜຸ່ມນ້ອຍ ບິກ ວິລະຍຸດ ຕ້ອງຊ້ອມໜັກຈັດເຕັມມາເປັນຕົວແທນພໍ່ອອກທົວຄອນເສີດ ງານອີເວັ້ນບໍ່ວ່າກາງເວັນຫຼືກາງຄືນ ໄປໄດ້ນ້ອງບໍ່ໃຫ້ພື້ນທີ່ພໍ່ວ່າງ ເຖິງນ້ອງບິກອາຍຸຍັງນ້ອຍ ແລະຍັງມີພາລະໜ້າທີ່ຕ້ອງຮັບຜິດຊອບເພື່ອອະນາຄົດຂອງຕົນຄື ຮຽນໃຫ້ຈົບແຕ່ນ້ອງຍັງຕ້ອງແບ່ງເວລາຈາກການຮຽນມາຮ້ອງເພງສານຝັນພໍ່ຕໍ່ບໍ່ໃຫ້ວົງໜຸ່ມໂກສິນຕ້ອງຫ່າງຫາຍໄປຈາກມິດຮັກແຟນເພງທີ່ຕິດຕາມກັນມາຕະຫຼອດ

 

ຫຼ້າສຸດ ວົງດົນຕີໜຸ່ມໂກສິນ ໂດຍມີ 3ອ້າຍນ້ອງໜູຫ່ວງ ພິເສດຮອບນີ້ໄດ້ນ້ອງບິກມາເປັນຕົວແທນພໍ່ກິ ດາວເພັດ ໜູຫ່ວງ ຮ່ວມສະແດງຄອນເສີດ ໃນງານບຸນຊ່ວງເຮືອປະເພນີ ໃນວັນທີ 8-9 ສິງຫາ 2020ນີ້ ເຊິ່ງຈະເສບໃນຕອນເວັນທັງສອງມື້ເລີຍ ດັ່ງນັ້ນ ຫາກໃຜທີ່ຕ້ອງການໄປໃຫ້ກໍາລັງໃຈນ້ອງບິກ ແລະ ທີມງານ ຫຼື ຢາກຮ່ວມມ່ວນຊື່ນກັບວົງດົນຕີກໍ່ສາມາດໄປໄດ້ຕາມວັນເວລາທີ່ແອັດແຈ້ງໄປຕາມນີ້ເດີ້

ຂ່າວບັນເທີງ