ເຫດຜົນຍ້ອນຫຍັງ? ຜູ້ຊາຍຍັງບໍ່ມາຂໍແຕ່ງງານຈັກເທື່ອ ທັງທີ່ຄົບກັນມາດົນແລ້ວ

ເຫດຜົນຍ້ອນຫຍັງ? ຜູ້ຊາຍຍັງບໍ່ມາຂໍແຕ່ງງານຈັກເທື່ອ ທັງທີ່ຄົບກັນມາດົນແລ້ວ

ເມື່ອເຫັນຄູ່ທີ່ຄົບກັນບໍ່ຮອດປີກໍແຕ່ງງານກັນ ອາດຈະເຮັດໃຫ້ຄູ່ຮັກທີ່ຄົບກັນມາເປັນເວລາຫຼາຍປີຕ້ອງຕັ້ງຄຳຖາມໃນຄວາມສຳພັນຂຶ້ນມາ ໂດຍສະເພາະບັນດາສາວໆທີ່ອາດຈະສົງໄສວ່າແຟນຂອງຕົນເອງນັ້ນຄິດແນວໃດຢູ່, ເປັນຫຍັງຄົບມາຕັ້ງຫຼາຍປີແລ້ວຍັງບໍ່ໄດ້ໃສ່ຊຸດເຈົ້າສາວຄືໝູ່ຈັກເທື່ອ ມື້ນີ້ເຮົາມີຄຳຕອບຈາກທາງຝັ່ງຜູ້ຊາຍຫຼາຍໆຄົນເຫຼົ່ານັ້ນມາໃຫ້ໄດ້ເບິ່ງກັນ

1. ລໍຖ້າໜ້າທີ່ວຽກງານທີ່ໝັ້ນຄົງກ່ອນ

ໜ້າທີ່ວຽກງານເປັນສິ່ງທີ່ສຳຄັນຫຼາຍ ສຳລັບຜູ້ຊາຍຫຼາຍຄົນ ເພາະນີ້ຄືເປົ້າໝາຍໃນຊີວິດຂອງພວກເຂົາເລີຍ. ຄວາມກ້າວໜ້າໃນໜ້າທີ່ວຽກງານນັ້ນ ມັກຈະຕ້ອງໃຊ້ຄວາມທຸ້ມເທ ແລະ ຄວາມພະຍາຍາມຫຼາຍພໍສົມຄວນ ໂດຍສະເພາະຫາກຢຸດເມື່ອໃດກໍອາດຈະຖືກຄູ່ແຂ່ງແຊງໜ້າໄດ້ທັນທີ. ດ້ວຍເຫດນັ້ນ, ຜູ້ຊາຍຫຼາຍຄົນຈຶ່ງຢາກທຸ້ມເທໃຫ້ກັບວຽກຫຼາຍກວ່າ ແລະ ເມື່ອຮອດເວລາທີ່ພວກເຂົາບັນລຸເປົ້າໝາຍໄດ້ສຳເລັດ ແຫວນວົງນັ້ນກໍຈະມາສວມໃສ່ຢູ່ທີ່ນິ້ວນາງເບື້ອງຊ້າຍຂອງສາວໆໂດຍທີ່ບໍ່ທັນໄດ້ຕັ້ງໂຕເລີຍກໍໄດ້.

2. ກຳລັງທ້ອນເງິນຢູ່

ການແຕ່ງດອງເປັນພິທີທີ່ຕ້ອງໃຊ້ເງິນຈຳນວນຫຼາຍ ເພາະສະນັ້ນ ເພື່ອບໍ່ໃຫ້ເປັນໜີ້ເປັນສິນ ວ່າທີ່ເຈົ້າບ່າວຂອງທ່ານອາດຈະກຳລັງທ້ອນເງິນເພື່ອສ້າງເຮືອນຫໍຂອງພວກທ່ານຢູ່ກໍເປັນໄດ້. ການແຕ່ງດອງນັ້ນ ບໍ່ໄດ້ຂຶ້ນຢູ່ກັບອາຍຸວ່າຄວນຈະຕ້ອງແຕ່ງຕອນໃດ ແຕ່ຂຶ້ນຢູ່ກັບຄວາມພ້ອມເປັນສິ່ງທີ່ສຳຄັນ, ເມື່ອຄວາມຮັກພ້ອມ ແລະ ເງິນພ້ອມ ເມື່ອໃດກໍແຕ່ງເມື່ອນັ້ນ ບໍ່ຈຳເປັນຕ້ອງຟ້າວ

3. ຢາກລຶ້ງເຄີຍກັບຄອບຄົວຂອງຝ່າຍຍິງໃຫ້ຫຼາຍກວ່ານີ້

ການແຕ່ງດອງເປັນເລື່ອງທີ່ມີຫຼາຍກວ່າຄວາມຮັກຂອງຄົນສອງຄົນ ເຊິ່ງລວມເຖິງຄອບຄົວຂອງທັງສອງຝ່າຍອີກດ້ວຍ. ຄົນຮັກຂອງສາວໆເອງກໍອາດຈະຕ້ອງການສ້າງຄວາມລຶ້ງເຄີຍກັບພໍ່ແມ່ ແລະ ຍາດຕິພີ່ນ້ອງຂອງສາວໆໃຫ້ຫຼາຍຂຶ້ນກ່ອນ ຈຶ່ງຈະຕັດສິນໃຈຂໍແຕ່ງດອງ ເພາະນັ້ນໝາຍເຖິງການສູ່ຂໍລູກສາວຂອງພວກເຂົາມາດູແລ. ສະນັ້ນ, ຫຼາຍຄົນອາດຈະຕ້ອງການທຳຄວາມຮູ້ຈັກນິໄສຂອງພໍ່ປູ່-ແມ່ຍ່າໃຫ້ລຶ້ງເຄີຍກ່ອນທີ່ຈະແຫ່ຂັນໝາກມາສູ່ຂໍນັ້ນເອງ.

4. ຍັງບໍ່ແມ່ນມື້ທີ່ແມ່ນ

ຜູ້ຊາຍບາງຄົ້ນໃຫ້ຄວາມສຳຄັນກັບເລີກມຸງຄຸນຫຼາຍເຊັ່ນກັນ ເພາະນັ້ນອາດຈະໝາຍເຖິງທິດທາງຂອງຄວາມຮັກ ແລະ ຊີວິດຄູ່ຫຼັງການແຕ່ງດອງ. ດ້ວຍເຫດນີ້ ຫຼາຍຄົນຈຶ່ງເລືອກທີ່ຈະລໍຖ້າເລີກງາມຍາມດີກ່ອນ ຈຶ່ງຈະຂໍສາວໆແຕ່ງດອງ ເຊິ່ງເລື່ອງຄວາມເຊື່ອນັ້ນເປັນເລື່ອງທີ່ບໍ່ເຂົ້າໃຜອອກໃຜ

5. ຮັກ ແຕ່ຍັງບໍ່ຢາກຜູກມັດ

ປັດຈຸບັນ ມີຫຼາຍຄູ່ຮັກທີ່ເລືອກຈະຢູ່ນຳກັນໂດຍບໍ່ໄດ້ຈົດທະບຽນ ຫຼື ການເປັນ Life Partner ໃຊ້ຊີວິດທຸກຢ່າງຄືກັບຄູ່ສາມີພັນລະຍາໃນທາງປະຕິບັດ ພຽງແຕ່ບໍ່ໄດ້ຈົດທະບຽນສົມລົດຢ່າງຖືກຕ້ອງຕາມກົດໝາຍເທົ່ານັ້ນ ນັ້ນກໍຍ້ອນວ່າຄົນຈຳນວນຫຼາຍບໍ່ຕ້ອງການສ້າງພາລະທາງກົດໝາຍທີ່ມາພ້ອມກັບການຈົດທະບຽນສົມລົດ ຈຶ່ງເລືອກໃຊ້ວິທີການດັ່ງກ່າວເຊິ່ງກໍເປັນຮູບແບບໜຶ່ງຂອງຄວາມສຳພັນທີ່ມີຄວາມລົງໂຕຫຼາຍກວ່າ. ແຕ່ທັງນີ້ທັງນັ້ນກໍຕ້ອງຂຶ້ນຢູ່ກັບຄວາມສະໝັກໃຈຂອງທັງສອງຝ່າຍ ເຊິ່ງສາວໆອາດຈະຕ້ອງຕັດສິນໃຈຫາກຄູ່ຂອງເຮົາຕ້ອງການດຳເນີນຄວາມສຳພັນໃນຮູບແບບທີ່ກ່ຽວມານີ້.

ນອກນັ້ນກໍຍັງມີອີກຫຼາກຫຼາຍເຫດຜົນທີ່ຢູ່ເບື້ອງຫຼັງຄຳຖາມວ່າ ເປັນຫຍັງຫຼັງຈາກຄົບກັນມາດົນແລ້ວແຟນຂອງເຮົາຈຶ່ງບໍ່ຍອມມາຂໍຈັກເທື່ອ, ຄວາມຮັກເຖິງຈະເປັນສິ່ງສວຍງາມ ແຕ່ກໍມີຄວາມຊັບຊ້ອນ, ການແຕ່ງດອງເອງກໍບໍ່ໄດ້ເປັນເລື່ອງຂອງຄົນສອງຄົນ ແຕ່ຈະນຳມາດ້ວຍຄວາມຮັບຜິດຊອບຢ່າງໃຫຍ່ຫຼວງ ເຊິ່ງສາວໆ ແລະ ຄົນຮັກ ຕ້ອງຮ່ວມກັນຄິດວາງແຜນອະນາຄົດຮ່ວມກັນ ແລະ ຫາກໝັ້ນໃຈວ່າຊີວິດຄູ່ຫຼັງການແຕ່ງດອງຈະໄປໄດ້ດີຢ່າງແນ່ນອນ ເພາະໄດ້ຕົກລົງພ້ອມໃຈກັນແລ້ວ ກໍບໍ່ມີຫຍັງຈະມາຂັດຂວາງການເປັນເຈົ້າສາວຂອງເຮົາໄດ້ຢ່າງແນ່ນອນ.

ສາລະໜ້າຮູ້