ພາມາຮູ້ຈັກກັບ “ໄຕ໋ບ້ານ ໂປຣດັກຊັນ” ຂວັນໃຈຊາວລາວ ບັນເທີງ ທີ່ມີກະແສໂອບາມ້າກັນຢູ່ໃນຕອນນີ້

ພາມາຮູ້ຈັກກັບ “ໄຕ໋ບ້ານ ໂປຣດັກຊັນ” ຂວັນໃຈຊາວລາວ ບັນເທີງ ທີ່ມີກະແສໂອບາມ້າກັນຢູ່ໃນຕອນນີ້

ຖ້າເວົ້າເຖິງຄລິບຕະຫຼົກ ທີ່ມອບສຽງຫົວ ແລະ ຄວາມມ່ວນຊື່ນພ້ອມແຝງຂໍ້ຄິດດີໆ ຫຼາຍຄົນຄົງຮູ້ຈັກຊ່ອງນີ້ແນ່ນອນ “ໄຕ໋ບ້ານ ໂປຣດັກຊັນ”. ເຊິ່ງເຮົາໄປຮູ້ຈັກທີມງານດີ ມີຄຸນນະພາບ ແລະ ໃຫ້ຫຼາຍກວ່າຄວາມບັນເທີງກັນເລີຍ. ສຳລັບ ອານຸລັກ ໄຕ໋ບ້ານ ໂປຣດັກຊັນ ຫຼື ອານຸລັກ ລໍມະນີຈັນ ເປັນຜູ້ຈັດການ ແລະ ກໍ່ຕັ້ງໄຕ໋ບ້ານ Production, ໜຸ່ມທີ່ຮູ້ຈັກເວົ້າຈັກວ່າ ເຮັດໃຫ້ມີແຟນຄລັບເຕັມ ຍ້ອນມີແນວຄິດສ້າງສັນຈຶ່ງເຮັດໃຫ້ຄົນມັກໃນ Content ການເຮັດຄລິບທີ່ແປກໃໝ່ ບັນເທີງແບບມີສາລະ ໄດ້ເບິ່ງໄດ້ຫົວ ມີຄວາມສຸກໄປນຳ ນີ້ແຫຼະຄືສະເໜ່.

ນອກນັ້ນຍັງມີຕູ່ Hero ແລະ ອີກຫຼາຍໆຄົນ. ກ່ອນຈະມາລວມຕົວກັນ ຍ້ອນທຸກຄົນເຮັດຄລິບມາໃນດ້ານດຽວກັນ ອານຸລັກຈຶ່ງຊວນມາເຮັດຄລິບນຳກັນ ດັ່ງນັ້ນຈຶ່ງໄດ້ລວມຕົວກັນເປັນຄອບຄົວໄຕ໋ບ້ານ ເຊິ່ງແຕ່ລະຄົນກໍມີກິດຈະກຳຫຼື ວຽກງານໃຜລາວ. ເຊິ່ງຕູ່ Hero ແມ່ນເປັນນັກຮ້ອງ, ສູ່ສິລະປິນດ່ຽວ, ສະແດງຮູບເງົາສັ້ນ, ຫຼົງໃຫຼການຖ່າຍຮູບ ຕໍ່ມາຖ່າຍຄລິບວິດີໂອ ແລະ ໄດ້ມາເປັນສ່ວນໜຶ່ງທີ່ສຳຄັນນຳໄຕ໋ບ້ານ.

ສຳລັບໄຕ໋ບ້ານຫຼາຍຄົນຄົງຈະສົງໄສວ່າຊື່ນີ້ໄດ້ມາຈາກຫຍັງ? ທີ່ຈິງໄຕ໋ບ້ານ (​ພາກເໜືອມັກເວົ້າ) ມາຈາກຄຳວ່າໄທບ້ານ ແລະ ເປັນຊື່ທີ່ແຕກຕ່າງຈາກຊື່ອື່ນຈຶ່ງກາຍເປັນ ໄຕ໋ບ້ານ ໂປຣດັກຊັນ. ເຊິ່ງສຳລັບຄົນຄິດ Content ແມ່ນອານຸລັກ ໄຕ໋ບ້ານ ຈະເປັນຄົນຄິດໂຄງເລື່ອງວ່າຈະອອກມາປະມານໃດ. ສ່ວນນັກສະແດງໃນໄຕ໋ບ້ານ ຈະເປັນຄົນຂະຫຍາຍບົດໄປເອງ ຫຼິ້ນເອງ. ສຳລັບການຖ່າຍທຳແຕ່ລະຄລິບນັ້ນ ອານຸລັກເຄີຍເຜີຍໃນລາຍການໜຶ່ງວ່າຍາກພໍສົມຄວນ ແຕ່ເຮັດດ້ວຍຄວາມຮັກມັກ ເມື່ອຜູ້ຊົມໄດ້ເບິ່ງ ໄດ້ຫົວຕະຫຼົກ ກໍດີໃຈແລ້ວ

ເຊິ່ງຜູ້ກ່ຽວເຄີຍເຜີຍວ່າບໍ່ຄິດວ່າຈະດັງ ຫຼື ຄົນມັກຫຼາຍພຽງນີ້ ຫຼັງຈາກພາກັນເຮັດຫຼິ້ນ ເມື່ອອັບວິດີໂອລົງໄປຜົນໄດ້ຮັບຊໍ້າພັດຮັບຜົນດີເກີນຄາດ ມີຄົນໃຫ້ຄວາມສົນໃຈ ແລະ ມັກໃນແນວທາງຂອງຊ່ອງ ໄຕ໋ບ້ານ ໂປຣດັກຊັນ ຈົນກາຍເປັນຊ່ອງທີ່ໂດ່ງດັງ ແລະ ຮູ້ຈັກນວົງກວ້າງຄືທຸກວັນນີ້!

ສຳລັບໃຜຢາກຕິດຕາມການເຄື່ອນໄຫວ ແລະ ຜົນງານ ສາມາດຕິດຕາມຄລິບໃໝ່ ໄດ້ທີ່ເພຈເຟສບຸກ: ໄຕ໋ບ້ານ Production

ຢູທູບ: Taiban Production

ຂ່າວທົ່ວໄປ