ຊັດເຈນ ແກ້ຄວາມຝັນເປັນເຫດ “ທິດສີ” ຖືກຈັບຍ້ອນວິພາກວິຈານ ການເຮັດວຽກຂອງພາກລັດ

ຊັດເຈນ ແກ້ຄວາມຝັນເປັນເຫດ “ທິດສີ” ຖືກຈັບຍ້ອນວິພາກວິຈານ ການເຮັດວຽກຂອງພາກລັດ

ສາເຫດທີ່ທິດສີຖຶກຈັບຍ້ອນແກ້ຄວາມຝັນລົງເຟສບຸກ

ຕາມໃບແຈ້ງຈັບ ຫຼື ໃບສະເໜີ ອົງການຕຸລາການ ແຂວງຈຳປາສັກ ເລກອອກວັນທີ 19/8/2020 ມີເນື້ອໃນວ່າ:

ຮຽນ: ທ່ານຫົວໜ້າຄະນະໂຄສະນາອົບຮົມ ແຂວງຈຳປາສັກ

ເລື່ອງ: ບຸກຄົນທີ່ລົງເຟສບຸກ ກ່າວເຖິງອົງການດຳເນີນຄະດີ

ໃນນາມອົງການຕຸລາການ ສະເໜີມາຍັງທ່ານຫົວໜ້າຄະນະໂຄສະນາອົບຮົມ ແຂວງຈຳປາສັກ ຊາບວ່າ: ໃນຄັ້ງວັນທີ 17/8/2020 ໄດ້ມີເຟສບຸກຊື່ Sangkhane Phachanthavong ໄດ້ອ້າງວ່າແກ້ຄວາມຝັນ ເຊິ່ງມີເນື້ອໃນເວົ້າສຽດສີໃສ່ອົງກອນດຳເນີນຄະດີ ຂອງລະບົບຕຸລາການຂອງ ສປປ ລາວ

ດ້ວຍການລົງເນື້ອຄວາມໃສ່ຮ້າຍປ້າຍສີຕໍ່ອົງການດຳເນີນຄະດີເຊິ່ງເຫັນວ່າ ການນຳເອົາເນື້ອຄວາມທີ່ຜູ້ກ່ຽວແກ້ຝັນ ລົງໃນເຟສບຸກນັ້ນເປັນການອຸປະໂຫຼກເສກສັນ ເຮັດໃຫ້ມີຜູ້ຄອມເມັ້ນສະແດງຄວາມຄິດ ຕໍ່ການປະຕິບັດໜ້າທີ່ຂອງອົງການຕຸລາການ ກໍຄືອົງການດຳເນີນຄະດີ ຕໍ່ເນື້ອໃນດັ່ງງການນັ້ນພວກເຮົາໄດ້ພິຈາລະນາເຫັນວ່າຜູ້ກ່ຽວມີເຈດຕະນາເພື່ອໃຫ້ສັງຄົມມີຄວາມເຂົ້າໃນຜິດ ແລະ ເຫັນດີນຳເນື້ອໃນທີ່ຜູ້ກ່ຽວໂພສລົງໃນເຟສບຸກ

ເຊິ່ງການກະທຳດັ່ງກ່າວຈະສ້າງຄວາມເຊື່ອມເສຍໃຫ້ແກ່ອົງການອຳນາດລັດ, ອົງການໄອຍະການປະຊາຊົນ, ສານປະຊາຊົນ ແຕ່ລະຂັ້ນ ກ້າວໄປເຖິງເຮັດໃຫ້ປະຊາຊົນຂາດຄວາມສັດທາ ຂາດຄວາມເຊື່ອໝັ້ນ ຕໍ່ການດຳເນີນຄະດີຂອງລະບົບຕຸລາການຂອງ ສປປ ລາວ.

ລາຍເຊັນແລະ ປະທັບຕາ……….

ທິດສີ ຖືກຈັບຍ້ອນມີຄຳເຫັນກ່ຽວກັບການປະຕິບັດໜ້າທີ່ຂອງອົງການຕຸລາການ ແຕ່ວ່າ ພາຍຫຼັງຖືກຈັບໂຕແລ້ວ ອາດຈະມີຂໍ້ຫາອື່ນໆ ເພີ່ມອີກ ເປັນຕົ້ນແມ່ນ ຂໍ້ຫາດ້ານຄວາມໝັ້ນຄົງແລະວິພາກວິຈານການເຮັດວຽກຂອງລັດຖະບານ. ລາຍງານຈາກແຂວງຈຳປາສັກ ປ້ອງກັນຄວາມສະຫງົບ ເມືອງປາກເຊ ມາຈັບກຸມໂຕ ອ້າຍທິດສີ ແລ້ວໃນວັນທີ່ 26/8/2020 ສວ່ນຂໍ້ຫານັ້ນແມ່ນຍັງບໍ່ລາຍລະອຽດເທື່ອ ເປັນພຽງການສັນນິຖານວ່າຜູ້ກ່ຽວອາດຖືກດຳເນີນຄະດີ ຈາກການທີ່ໃຊ້ເຟສບຸກ ໂພສວິພາກວິຈານ ເລື່ອງສັງຄົມ ການເມືອງ (ລັກສະນະນາງໝວຍ) ລາຍລະອຽດຕິດຕາມກັນຕໍ່ໄປ

ຂ່າວທົ່ວໄປ