ອານຸສິດ ຜົວເຈ້ທິບ ໃຫ້ສຳພາດຕໍ່ໄທຣັດນິວໂຊ ໄທ ຖືກຂູ່ ໜີເພື່ອຄວາມປອດໄພ

ອານຸສິດ ຜົວເຈ້ທິບ ໃຫ້ສຳພາດຕໍ່ໄທຣັດນິວໂຊ ໄທ ຖືກຂູ່ ໜີເພື່ອຄວາມປອດໄພ

ບໍ່ວ່າວົງການໃດທັງໃນລາວ ແລະ ຕ່າງປະເທດ ລ້ວນແຕ່ຢູ່ໃນຂອບ ຢູ່ໃນກົດກະຕິກາ ວ່າແຈ້ງໆຄືຢູ່ໃນຕົວບົດກົດໝາຍບ້ານເມືອງ, ແຕ່ອາດຈະດ້ວຍຄວາມໂລບມາກໂລພາ ຫລື ຄວາມບໍ່ສັດຊື່ບໍລິສຸດທັງຕໍ່ຕົນເອງ ແລະ ສັງຄົມ ຈຶ່ງເຮັດໃຫ້ກິເລດຕັນຫາຄວາມຢາກຄອບງຳ ເມື່ອຜູ້ໃດໜຶ່ງ ກຸ່ມຄົນໃດໜຶ່ງປະພຶດນອກ ກົດກະຕິກາ ຫລື ລະບຽບການ, ກົດໝາຍບ້ານເມືອງ ລ້ວນແຕ່ເກີດຄວາມຜິດພາດ ສົ່ງຜົນສະທ້ອນທີ່ບໍ່ດີ ກາຍເປັນປາກົດການຫຍໍ້ທໍ້ສັງຄົມ…ໂດຍພວກເຮົາຕ່າງກໍພົບ ໄດ້ຍິນໄດ້ເຫັນຫລາຍກໍລະນີ ແລະ ເຫດການມາແລ້ວ ບໍ່ວ່າຈະເປັນການບໍລິການຮັບຝາກເງິນ ດອກເບ້ຍຫລາຍກວ່າທະນາຄານ.

ປາກົດການຫຍໍ້ທໍ້ເກີດຂຶ້ນບໍ່ເວັ້ນວ່າງເມື່ອໃດເຮົາຕົກເປັນຄົນ “ເຫັນເງິນໜ້າດໍາ ເຫັນຄໍາໜ້າສິ້ວ” ເໝືອນດັ່ງການບໍລິການຊວນເຊື່ອຮັບຝາກເງິນ ດອກເບ້ຍຫລາຍ ກາຍເປັນການເບື່ອເມົາທາງອ້ອມ ໂດຍຜູ້ມີເງິນແດ່ ກໍຕາຕີ່ຕາລານ ທັງບວກລົບຄູນຫານ ຕ້ອງໄດ້ຄືນມາເທົ່ານັ້ນເທົ່ານີ້…ຮີບນຳເອົາເງິນໄປລົງທຶນ ຢ້ານບໍ່ທັນກໍມີຖົມເຖໄປ.

ຍົກເລື່ອງນີ້ຂຶ້ນມາເລີຍຊວາດໄປເຫດເຫດການໜື່ງທີ່ເກີດຂຶ້ນເມື່ອຫລາຍປີກ່ອນຄື ມີບໍລິ ສັດລະດົມທຶນໜຶ່ງຢູ່ເຂດເມືອງໄຊທານີນະຄອນຫລວງວຽງຈັນເມື່ອຈັບໄດ້ໄລ່ທັນວ່າເປັນການໂກງ, ສານປະ ຊາຊົນນະຄອນຫລວງວຽງຈັນ ກໍອອກມານັ່ງບັນລັງຕັດສິນປະທານ, ຮອງປະທານຕິດຄຸກແທ້ຜູ້ລະສິບກວ່າປີ ແລະ ປັບໃໝຜູ້ລະ 2 ຕື້ກວ່າກີບ… ເວລາຜ່ານມາຫລາຍປີ, ເຫດການຄ້າຍຄືກັນກໍເກີດຂຶ້ນອີກຂະນະທີ່ສື່ສັງຄົມຂະຫຍາຍຕົວຈົນຫລາຍຄົນຫລົງເຊື່ອ ເລືອກບໍ່ໄດ້ວ່າອັນໃດແທ້ອັນໃດປອມ ມາເຖິງເວລານີ້ຫລາຍທ່ານຕ້ອງນຶກພາບອອກ “ເຈ້ທິບ…” ທີ່ສາມາດຢິບ-ກວາດເອົາເງິນຜູ້ຝາກຈາກຫລາຍອາຊີບທີ່ຫລົງໃຫລຕໍ່ອັດຕາດອກເບ້ຍຫລາຍເຖິງ 30%.

ສັດຈະທໍາຂາຍຂີ້ໜ້າ ເມື່ອຜູ້ກ່ຽວຫາຍໄປໃນເງົາມືດ ຂະນະທີ່ຜູ້ເຄາະຮ້າຍກໍຄິດຮອດ ຫວັງຢາກໄດ້ເງິນຄືນ ແລະ ຫລ້າສຸດວັນທີ 29 ກໍລະກົດ 2022 ມີແຫລ່ງຂ່າວຈາກໄທ ລາຍງານວ່າ ເຈົ້າໜ້າທີ່ຕຳຫລວດໄທ ໄດ້ບຸກຈັບນາງໄດ້ຢູ່ໂຮງແຮມແຫ່ງໜຶ່ງ ແຖວຣັງສິດ ບາງກອກ.

ກໍລະນີ “ເຈ້ທິບ” ເປັນການກະທໍາທີ່ທ້າທາຍກົດໝາຍຢ່າງຈະແຈ້ງ ເປັນການສະທ້ອນໃຫ້ເຫັນປາກົດການ ຫຍໍ້ທໍ້ຂອງສັງຄົມທີ່ຕ້ອງໄດ້ປ້ອງກັນແຕ່ຫົວທີຖ້າເຮົາເຫີ່ນໍາແຕ່ວັດຖຸເງິນຄໍາ ບໍ່ໝາຍວ່າເງິນຄໍາບໍ່ສໍາຄັນ ມັນ ສຳຄັນແທ້, ແຕ່ກໍບໍ່ແມ່ນມັນຈະຕັດສິນທຸກຢ່າງໄດ້. ທຸກຄົນລ້ວນແຕ່ມີ “ຄວາມຢາກ” ແຕ່ຄວາມຢາກກໍໃຫ້ພຽງພໍ ຢຸດໂລບມາກໂລພາ ເໝືອນດັ່ງສຸພາສິດລາວເຮົາວ່າ“ ສິບສະຫລຶງຢູ່ຟາກນໍ້າ ຢ່າໄດ້ອ່າວຄະນິງຫາ ສອງສະຫລຶງຢູ່ໃນມື ໃຫ້ຄ່ອຍກໍາເອົາໄວ້”ນັ້ນດີແລ.

ຄຼິບ :

ຜົວເຈ້ທິບກ່າວວ່າ ແອັດມິນ 2 ຄົນໂກງເງິນ ແລະ ຝ່າຍບັນຊີບໍ່ຈ່າຍເງິນໃຫ້ລູກຫວຍ

ຈາກເລື່ອງລາວທີ່ກຳລັງເປັນຂ່າວກະເເສຮ້ອນເເຮງນະຕອນນີ້ ກໍລະການເຈ້ທິບ ເງິນຝາກດອກເບ້ຍສູງ 30%

ຜ່ານມາໄດ້ມີຫຼາຍຄົນມາເເຈ້ງຄວາມເສຍຫາຍ 5,000 ກວ່າຄົນ

ວ່າເຈ້ທິບ ໂກງເງິນລູກຫວຍ ຫຼາຍມື່ນລ້ານກີບ ຫຼາຍຮ້ອຍລ້ານບາດ ແລະ ຫຼາຍລ້ານໂດລາ

ໂດຍທີ່ບໍ່ມີໃຜຮູ້ ວ່າອອກນອກປະເທດຕອນໃດເວລາໃດ ເຈົ້າໜ້າທີ່ລາວ ຄົ້ນຫາ ຊອກຫາ ຂໍ້ມູນ ການອອກນອກປະເທດຢູ່ຫຼາຍອາທິດ

ຕໍ່ມາທາງເຈົ້າໜ້າທີ່ໄທ ແຈ້ງວ່າສາມາດຈັບຕົວເຈ້ທິບໄດ້ແລ້ວ ຢູ່​ທີ່​ໂຮງ​ແຮມ​ແຫ່ງ​ໜຶ່ງ​ຢູ່​ເຂດ​ໂຮງແຮມຍ່ານລັງສິດ ຄອງ 5

ທັງສອງຄົນໄດ້ຄຳຊີເເຈ້ງ ໃຫ້ນັກຂ່າວ ຕ່າງໆນາໆ ແລະ ຜົວເຈ້ທິບໄດ້ໃຫ້ຄຳຊີເເຈ້ງວ່າ ແອັດມິນ 2 ຄົນໂກງເງິນ ແລະ ຝ່າຍບັນຊີບໍ່ຈ່າຍເງິນໃຫ້ລູກຫວຍ

ເລີຍເຮັດໃຫ້ເຈ້ທິບຕົກເປັນຜູ້ເສຍຫາຍແລະຮັບຜິດຊອບຢ່າງມະຫາສານ

ເຈ້ທິບຢືນຢັນ ບໍ່ໄດ້ໂກງ ເງິນນັ້ນບໍ່ມີມູນຈິງ ບໍ່ໄດ້ໜີ ແຕ່ມາຕັ້ງຫຼັກກ່ອນ

ເຈ້ທິບຢືນຢັນ! “ບໍ່ໄດ້ໂກງ, ເງິນນັ້ນບໍ່ມີມູນຈິງ ບໍ່ໄດ້ໜີ ແຕ່ມາຕັ້ງຫຼັກກ່ອນ ອີກຢ່າງແມ່ນເພື່ອຄວາມປອດໄພ ເພາະຖ້າຢູ່ລາວກໍອາດຈະຖືກທຳຮ້າຍຮ່າງກາຍ ສຳລັບກໍລະນີຫອບເງິນໜີ ແມ່ນຖືກໃສ່ຄວາມເຊິ່ງເງິນຈຳນວນດັ່ງກ່າວບໍ່ມີມູນຄວາມຈິງ ເງິນຫຼາຍຂະໜາດນັ້ນແບກມາບໍ່ໄດ້ຢູ່ແລ້ວ ສັງຄົມໄດ້ໃສ່ຂ່າວໄປເອງ” ຂໍ້ຄວາມທີ່ເຈ້ທິບໃຫ້ສຳພາດກັບສື່ໄທ!

ຂ່າວດ່ວນ….! ເຈ້ທິບຖືກຈັບໄດ້ແລ້ວ  ວັນທີ່ 29/7/22 ຕອນນີ້ຕຳຫຼວດໄທບຸກເຂົ້າຈັບເຈ້ທິບໄດ້ແລ້ວ ທີ່ບໍລິເວນ ລັງຊິດ ຄອງ5 ທີ່ປະເທດໄທ

ຕອນເຊົ້າວັນທີ 29 ກໍລະກົດ 2022 ຕຳຫຼວດໄທບຸກເຂົ້າຈັບກຸມຕົວ ເຈ້ທິບ ແມ່ຫວຍທີ່ກຳລັງເປັນປະເດັນ ເມື່ອ 1-2 ອາທິດທີ່ຜ່ານມາໄດ້ແລ້ວ ທີ່ໂຮງແຮມ ບໍລິເວນ ຣັງຊິດ ຄອງ5 ປະເທດໄທ.

ເຈ້ທິບ ໄດ້ກ່າວກັບສື່ມວນຊົນໄທ ທີ່ມາເຮັດຂ່າວວ່າ: “ເຮົາບໍ່ໄດ້ເອົາຂອງໃຜມາ ໃຜຈະເວົ້າຫຍັງກໍເວົ້າໄດ້ ທຸກຢ່າງມັນອຸປະໂຫຼກຂຶ້ນມາເອງໝົດ ຖ້າເຮົາຜິດແທ້ ເຮົາພ້ອມຈະຮັບຜິດຊອບທຸກຢ່າງ

ຂ່າວທົ່ວໄປ