ຊົມເຊີຍນໍ້ໃຈຄົນລາວ…ບ່າວໂພສເລື່ອງລາວດີໆຫຼັງລົດນໍ້າມັນໝົດກາງທາງ

ຊົມເຊີຍນໍ້ໃຈຄົນລາວ…ບ່າວໂພສເລື່ອງລາວດີໆຫຼັງລົດນໍ້າມັນໝົດກາງທາງ

ວັນທີ 8/4/2020 ຜູ້ໃຊ້ເຟສບຸ໊ກຊື່ @Owen Nammakhod ໄດ້ອອກມາໂພສຮູບພ້ອມເລົ່າເລື່ອງລາວດີໆທີ່ເກີດຂຶ້ນກັບຕົນເອງທີ່ເຮັດໃຫ້ຮູ້ສຶກຕື້ນຕັນຫຼາຍ ໂດຍໄດ້ເລົ່າວ່າ : ສະບາຍດີຫມົດສຸຜູ້ສູຄົນມື້ນີ້ມີເລື່ອງມາເຫລົ່າສູ່ຟັງ ຕື້ນຕັນຫລາຍເກີດມາຫາກະເຄີຍເຫັນ

#ເລື່ອງມີຢູ່ວ່າ= ມື້ນີ້ຕອນສວຍຂ້ອຍໄດ້ໄປຊື້ອາໄລລົດແລ້ວກຳລັງຈະກັບບ້ານເຫດບໍ່ຄາດຝັນກະເກີດຂື້ນ ຄືນຳ້ມັນລົດເບິດ….ແລ້ວມີພົນລະເມືອງດີ2ຄົນນີ້ຂີ່ກາຍມາ ບໍ່ຮູ້ວ່າແມ່ນໃຜລາວໄດ້ກາຍໄປແລ້ວ..ແລ້ວລາວ2ຄົນກະລົມກັນບໍ່ຮູ້ວ່າລົມຫຍັງແລ້ວໄດ້ໂຄ້ງລົດກັບມາຫາຂ້ອຍລາວກະເອິ້ນໃສ່ວ່າຕົ້ນໆລົດເປັນຫຍັງ ຂ້ອຍກະຕອບວ່າບໍ່ຮູ້ຄືກັນລົດສະຕາດບໍ່ຕິດ555+ ບໍ່ແມ່ນລະ

ລາວຖາມຂ້ອຍວ່ານ້ອງລົດເປັນຫຍັງນໍ້າມັນຫມົດຫວາຂ້ອຍກະວ່າໂດຍ ລາວສິຍັນໃຫ້ອັນຍຽບທາງຫລັງກະບໍ່ມີບາດນີ້ໂອຍຍຍຕາຍຍ 555+ ລາວກະເລີຍເວົ້າວ່າຊັນອ້າຍອອກໄປຊື້ນໍ້າມັນມາໃຫ້ຖ້າຢູ່ນີ້ເດີ້ຢ່າໄປໃສ ຂ້ອຍກະວ່າໂດຍ ຫລັງຈາດຊື້ນໍ້າມັນມາແລ້ວຂ້ອຍສິເອົາເງິນໃຫ້ລາວລາວກະບໍ່ເອົາຂ້ອຍກະຊູຊີໃຫ້ລາວກະບໍ່ເອົາອີກ

ລາວກະໄດ້ເວົ້າອີກວ່າຊ່ວຍໆກັນນ້ອງຄົນລາວຄືກັນຂ້ອຍກະໄດ້ແຕ່ຂອບໃຈເພິ່ນຈົບລະກະແຍກ ແລະ ກະໄດ້ຮູ້ແຕ່ຊື່ເພິ່ນ ຊື່ວັນຄົນດີໆແບບນີ້ໃນສັງຄົມເຮົາຍັງມີຢູ່ເດີ້ຂອບໃຈຫລາຍໆຄົນລາວຄົນມີນໍ້າໃຈ ເລື່ອງດີໆແບບນີ້ຕ້ອງແຊຣ໌

ຂ່າວທົ່ວໄປ