ຣັດເຊຍ ເປີດສາກກ່ອນໄດ້ປຽບ ຖະຫຼົ່ມ ຢູເຄນ ເສຍຫາຍໜັກ 130 ຊິວິດ ຖືກສັງເວີຍຍ້ອນສົງຄາມ ຢູເຄນ

ຣັດເຊຍ ເປີດສາກກ່ອນໄດ້ປຽບ ຖະຫຼົ່ມ ຢູເຄນ ເສຍຫາຍໜັກ 130 ຊິວິດ ຖືກສັງເວີຍຍ້ອນສົງຄາມ ຢູເຄນ

ເລີ່ມແລ້ວ ຣັສເຊຍ ເປີດສາກຍິງມິດໄຊຖະລົ່ມຫຼາຍເມືອງໃນປະເທດຢູເຄຣນ

ຄຼິບ :

ກອງທັບຣັສເຊຍເລີ່ມເປີດສາກຍິງຂີປະນາວຸດຖະລົ່ມເປົ້າໝາຍຫຼາຍເມືອງຂອງປະເທດຢູເຄຣນ ພ້ອມສົ່ງກອງກຳລັງຍົກພົນກຳລັງບຸກຊາຍຝັ່ງທາງຕອນໃຕ້ ຫຼັງຈາກທີ່ປະທານາທິບໍດີ ວະລາດິມີ ປູຕິນ ເຊັນຄຳສັ່ງເລີ່ມປະຕິບັດການພິເສດທາງກອງທະຫານໃນວັນທີ 24 ກຸມພາ 2022

ດ້ານຜູ້ນຳຢູເຄຣນ ໂວໂລດິມີ ເຊເລນສກີ ຖະແຫຼງການປະກາດກົດໄອຍາການເສິກ ແລະ ໄດ້ໂທລະສັບປຶກສາຫາລືກັບປະທານາທິບໍດີ ໂຈ ໄບເດນ ແຫ່ງສະຫະລັດອາເມລິກາ ແລະ ມີການລະດົມກຳລັງພົນສຳຮອງເຂົ້າປະຕິບັດໜ້າທີ່ຮັບໃຊ້ຊາດຕັ້ງແຕ່ຕອນຄືນຂອງວັນທີ 23 ຕຸລາ 2022

ດ້ານຜູ້ນຳ UN ອ້ອນວອນໃຫ່ປູຕິນ ຢຸດສົງຄາມເພື່ອເຫັນແກ່ມະນຸດສະທຳ ແລະ ປະທານາທິບໍດີ ໂຈ ໄບເດນ ແຫ່ງສະຫະລັດອາເມລິກາ ເຕືອນວ່າຣັສເຊຍ ຕ້ອງຮັບຜິດຊອບຕໍ່ການເຂັນຂ້າ ແລະ ການທຳລາຍລ້າງທີ່ເກີດຂື້ນ ນອກນີ້ເລຂາທິການນາໂຕ ເຢນ ສໂຕນເຕນເບີກ ອອກມາປະນາມຣັສເຊຍວ່າ ຂາດຄວາມຢັບຢັງສັ່ງໃຈ ແລະ ເປັນຝ່າຍໂຈມຕີຢູເຄຣນກ່ອນ

ເຫດການທີ່ເກີດຂື້ນໃນຄັ້ງນີ້ຜູ້ນຳຣັສເຊຍອ້າງວ່າ ບໍ່ມີທາງເລືອກ ຈຳເປັນຕ້ອງຢຸດໄພຄຸກຄາມທີ່ເກີດມາຈາກຢູເຄຣນ ທີ່ມີຈິດໃຈຝັກໄຝ່ຕາເວັນຕົກ ຮັສເຊຍບໍ່ຮູ້ສຶກປອດໄພ, ພັດທະນາ ແລະ ດຳລົງຢູ່ໄດ້ ຕາບໃດທີ່ມີໄພຄຸກຄາມຈາກດິນແດນຢູເຄຣນຍຸກໃໝ່ເຂົ້າມາຢ່າງຕໍ່ເນື່ອງ

ຕໍ່ກັບເຫດການໃນຄັ້ງນີ້ສົ່ງຜົນໃຫ້ດັດຊະນີຫຸ້ນໂລກຫຼຸດລົງທັນທີ່ ຄ່າເງີນໂດລາ ແລະ ລາຄາຄຳປັບໂຕສູງຂື້ນ ເຊັ່ນດຽວກັນກັບລາຄານໍ້າມັນທີ່ທະລຸເຖິງ 100 $/ບາເຣລ ເປັນຄັ້ງທຳອິດນັບຕັ້ງແຕ່ປີ 2014

ຫລາຍກວ່າ130ຊີວິດ ຖືກສັງເວີຍຍ້ອນສົງຄາມຍູເຄນ

ສຳນັກ​ຂ່າວສານ​ຕ່າງປະ​ເທດ​ລາຍ​ງານ​ຈາກ​ນະຄອນຫຼວງ​ກຽບ​ຂອງ​ອູ​ແກຣນ​ໃນ​ວັນ​ທີ 25 ກຸມພາ​ນີ້​ວ່າ: ປະທານາທິບໍດີ​ອູ​ແກຣນ Voldymir Zelensky ​ໄດ້​ກ່າວ​ຜ່ານ​ໂທລະພາບ​ແຫ່ງ​ຊາດ. ​ໃນ​ຕອນ​ຮຸ່ງ​ເຊົ້າ​ຂອງ​ວັນ​ສຸກ​ຕາມ​ເວລາ​ທ້ອງ​ຖິ່ນ  24 ຊົ່ວ​ໂມງ​ທຳ​ອິດ​ຫຼັງ​ຈາກ​ກອງທັບຣັດ​ເຊຍ​ໄດ້​ເຂົ້າ​ໄປ​ປະຕິບັດ​ງານ​ທາງ​ທະຫານ.

ໃນເຂດ Donbas ທາງຕາເວັນອອກ ມີ​ຢ່າງ​ໜ້ອຍ 137 ຄົນ​ເສຍ​ຊີວິດ ​ໃນ​ນັ້ນ​ມີ​ທະຫານ ​ແລະ​ພົນລະ​ເຮືອນ ​ແລະ​ອີກ​ຫລາຍ​ຄົນ​ໄດ້​ຮັບ​ບາດ​ເຈັບ… ​ໃນ​ຂະນະ​ນັ້ນ ຜູ້ນຳ​ອູ​ແກຣນ​ກໍ່​ປະກາດ “​ການ​ເຄື່ອນ​ໄຫວ​ທົ່ວ​ປວງ​ຊົນ” ຂອງ​ທົ່ວ​ປະ​ເທດ​ຄວນ​ສຳ​ເລັດ​ພາຍ​ໃນ 90 ວັນ, ​ໂດຍ​ຮຽກຮ້ອງ​ໃຫ້​ລະດົມ​ກຳລັງ​ສຳຮອງ ​ແລະ

ທະຫານ​ບົກ​ທັງ​ໝົດ. ​ເຈົ້າ​ໜ້າ​ທີ່​ຂັ້ນ​ສູງ​ອົງການ​ອົບ​ພະຍົບຂອງ​ສະຫະ​ປະຊາ​ຊາດ (UNSC) ​ໄດ້​ລາຍ​ງານ​ການ​ລີ້​ໄພ​ຂອງ​ຊາວ​ຢູ​ເຄຣນ 100,000 ກວ່າ​ຄົນ​ໃນ​ມື້​ທຳ​ອິດ​ຂອງ​ການ​ປະ​ທະ​ກັນ. ສ່ວນໃຫຍ່ເດີນທາງໄປປະເທດເພື່ອນບ້ານ ເຊັ່ນ: ໂປແລນ, ມອນໂດວາ, ໂຣມາເນຍ ແລະ ຮັງກາຣີ… ປະທານາທິບໍດີ Vladimir Putin ກ່າວ

ໃນຕອນນຶ່ງໃນຖະແຫຼງການຂອງການປະຕິບັດງານທາງທະຫານ. ​ໃນ​ວັນ​ພະຫັດ​ວານ​ນີ້ ​ໄດ້​ຢືນຢັນ​ວ່າ ຣັດ​ເຊຍ​ບໍ່​ມີ​ເຈດ​ຕະນາ​ຈະ​ຍຶດຄອງ​ຢູ​ເຄຣນ. ແຕ່ລັດຖະບານ ມອສໂຄ “ບໍ່ມີທາງເລືອກອື່ນ” ແລະ “ຈະຕອບສະຫນອງທັນທີ. ຖ້າກຳລັງພາຍນອກພະຍາຍາມແຊກແຊງ.” “ບຸກ​ໂຈມ​ຕີຣັດ​ເຊຍ​ຈະ​ພາ​ໃຫ້​ເກີດ​ຜົນ​ຮ້າຍ​ຢ້ອນ​ຫຼັງ​ຕໍ່​ຜູ້​ຮຸກ​ຮານ”…

ລັດຖະບານມອສໂຄ ໄດ້ຮຽກຮ້ອງໃຫ້ອົງການສົນທິສັນຍາອັດລັງຕິກເໜືອ (ນາ​ໂຕ້, ໃນນັ້ນ ສະຫະລັດ ເປັນສະມາຊິກສຳຄັນ, ຕອບສະໜອງ “ການຮັບປະກັນຄວາມປອດໄພ” ທີ່ລວມເຖິງການບໍ່ຂະຫຍາຍອິດທິພົນທາງທະຫານໃນພາກຕາເວັນອອກ. ​ແລະ​ບໍ່​ຮັບ​ເອົາ​ຢູ​ເຄຣນ​ເຂົ້າ​ເປັນ​ສະມາຊິກ​ຂອງ​ນາ​ໂຕ “ເພື່ອຢຸດການຂົ່ມຂູ່” ຕໍ່ຄວາມປອດໄພຂອງລັດເຊຍ ​ແຕ່​ນາ​ໂຕ​້ແລະ​ອາ​ເມ​ລິ​ກາ​ບໍ່​ໄດ້​ຕອບ​ໂຕ້….

ຂ່າວທົ່ວໄປ