ເລີ່ມແລ້ວ ຜູ້ຕິດເຊື້ອເສຍຊິວິດ +1 ຄົນ ກໍລະນີ ທີ່ 7 ຂອງ ສປປ ລາວ

ອີງຕາມການລາຍງານຂອງຄະນະສະເພາະກິດແຂວງຈຳປາສັກ ລາຍງານວັນທີ 30 ກໍລະກົດ 2021 ນີ້ໃຫ້ຮູ້ວ່າ:

ຢູ່ແຂວງຈຳປາສັກກວດພົບຜູ້ຕິດເຊື້ອໃໝ່ 38 ຄົນ, ເສຍຊີວິດໃໝ່ 1​ຄົນ

ສ່ວນການລາຍງານທາງການຂອງສູນກາງແມ່ນຈະນັບໃສ່ເປັນຕົວເລກຂອງວັນທີ 1 ສິງຫາ 2021

ອີງຕາມການຖະແຫຼງຂ່າວ ໃນວັນ 30/07/2021 ຂອງ ທ່ານ ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງ ໄດ້ຕາງໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ ແຂວງຈໍາປາສັກ

ໄດ້ຖະແຫຼງຂ່າວທາງໂທລະພາບແຂວງ ຈຳປາສັກ ວ່າ ແຂວງ ຈຳປາສັກມີຜູ້ເສຍຊີວິດ​ 1 ຄົນ ຈາກພະຍາດໂຄວິດ ກໍລະນີທີ​ 7​ ຂອງ​ ສປປ​ ລາວ ເຊີ່ງມີຂໍ້ມູນຂອງຜູ້ເສຍຊີວິດດັ່ງນີ້:

– ເພດ ຊາຍ ອາຍຸ 38 ປີ ຄົນບ້ານ ເວີນໂສມ ເມືອງໂຂງ ແຂວງ ຈຳປາສັກ ເປັນແຮງງານທີ່ກັບມາຈາກປະເທດເພື່ອນບ້ານ, ຜູ້ກ່ຽວໄດ້ເຂົ້າມາທາງດ່ານວັງເຕົ່າໃນວັນທີ 23/07/2021 ແລະ ເປັນຄົນຕຸ້ຍມີໂຣກປະຈຳໂຕເປັນເບົາຫວານ ຜູ້ກ່ຽວໄດ້ເສຍຊີວິດໃນຕອນເຊົ້າຂອງວັນທີ 30/07/2021.

ຂໍສະແດງຄວາມເສຍໃຈນຳຄອບຄົວຜູ້ເສຍຊີວິດ