ເຕືອນໄພ ມາເລເຊຍ ກວດພົບສານເສບຕິດ ໃນຜົງຊານົມໄຂ່ມຸກ

ເຕືອນໄພ ມາເລເຊຍ ກວດພົບສານເສບຕິດ ໃນຜົງຊານົມໄຂ່ມຸກ

ສຳນັກຂ່າວຕ່າງປະເທດລາຍງານເມື່ອວັນທີ່ 14 ມັງກອນ 2020 ວ່າເຕືອນໄພສັງຄົມຈາກການລັກລອບຄ້າສິ່ງເສບຕິດ ຮູບແບບໃຫ່ມໃນມາເລເຊຍ ຫລັງເຈົ້າຫນ້າທີ່ຕຳຫລວດນຳກຳລັງບຸກຄົ້ນທີ່ພັກຂອງແກ້ງຄ້າຢາເສບຕິດໃນພື້ນທີ່ເກາະລັງກາວີ ແລະເມືອງບູກິດຕິງກິ ລັດປະຫັງ ພົບຊອງບັນຈຸຜົງເຄື່ອງດື່ມຮຽນແບບຮ້ານເຄື່ອງດື່ມຊື່ດັງຈຳນວນຫລາຍ ໃນຈຳນວນນີ້ມີຜົງຊານົມສຳລັບຊົງຊານົມໄຂ່ມຸກ ຜົງຊາຫມາກນາວ ແລະຜົງນ້ຳຫມາກໄມ້

ຈາກການກວດສອບສ່ວນປະກອບພົບວ່າມີສານເສບຕິດປະເພດ ຢາອີ ປະສົມຢູ່ນຳຈື່ງຈັບກຸມຜູ້ຕ້ອງສົງໄສ 7 ຄົນ ເປັນຊາຍ 4 ຍິງ 3 ຄົນອາຍຸລະຫວ່າງ 20-35 ປີໃນຂໍ້ຫາຜະລິດ ແລະ ຄ້າຢາເສບຕິດຜິດກົດຫມາຍ

ລາຍງານລະບຸວ່າເຈົ້າຫນ້າທີ່ຍຶດຂອງກາງເປັນຜົງຊານົມ 131 ຊອງຊື່ງຜູ້ຕ້ອງສົງໄສໃຫ້ການໃນເບື້ອງຕົ້ນວ່າຈຳຫນ່າຍທີ່ລາຄາຊອງລະ 250-300 ຮິງກິດ ຫຼື ປະມານ 550.000–750.000 ກີບ

ນອກຈາກນີ້ຍັງຍືດເຄື່ອງດື່ມສຳເລັດຮູບປະສົມຢາອີແບບຕຸກອີກ 27 ຕຸກລວມທັງສັບສິນທີ່ຄາດວ່າໄດ້ມາຈາກລາຍໄດ້ການຄ້າຢາເສບຕິດໄດ້ແກ່ບ້ານພັກມູນຄ່າກວ່າ 110.000 ໂດລາ ລົດໃຫ່ຍ 4 ຄັນກະເປົ໋າຍີ່ຫໍ້ແພງ 4 ຫນ່ວຍ ໂມງຫຼູ 2 ຫນ່ວຍ ແລະ ເງີນສົດອີກຈຳນວນຫນື່ງ

ຂ່າວທົ່ວໄປ