ອາເມລິກາປະກາດ ບໍລິຈາກວັກຊີນ Pfizer ອີກ 500 ລ້ານໂດສ ໃຫ້ປະເທດ…

ອາເມລິກາປະກາດ ບໍລິຈາກວັກຊີນ Pfizer ອີກ 500 ລ້ານໂດສ ໃຫ້ປະເທດ…

ປະທານາທິບໍດີ ໂຈ ໄບເດນ ຂອງອາເມລິກາ ປະກາດວ່າ: ອາເມລິກາປະກາດບໍລິຈາກວັກຊີນ Pfizer ອີກ 500 ລ້ານໂດສແກ່ປະເທດລາຍໄດ້ໜ້ອຍ-ປານກາງທົ່ວໂລກ.

ສະນັ້ນ, ສປປລາວ ກໍ່ແມ່ນຫນື່ງໃນປະເທດທີ່ ດ້ວຍພັດທະນາ . ດັ່ງນັ້ນ ສປປລາວ ອາດຈະໄດ້ຮັບວັກຊິນດັ່ງກ່າວ ຈາກການຊ່ວຍເຫລື່ອຂອງສະຫະລັດ

ລັດຖະບານອາເມລິກາກຳລັງສັ່ງຊື້ວັກຊີນ Pfizer-BioNTech ອີກ 500 ລ້ານໂດສ ເພື່ອບໍລິຈາກໃຫ້ປະເທດລາຍໄດ້ໜ້ອຍ ແລະ ລາຍໄດ້ປານກາງທົ່ວໂລກ ຫລັງຜະເຊີນແຮງກົດດັນໃຫ້ແບ່ງປັນວັກຊີນແກ່ປະເທດທີ່ຂາດເຂີນ.

ທ່າທີຂອງ ໄບເດນ ມີຂຶ້ນໃນລະຫວ່າງກອງປະຊຸມລະດັບຜູ້ນຳດ້ານໂຄວິດແບບສະເໝືອນ ເຊິ່ງເປັນກອງປະຊຸມນອກຮອບໃນລະຫວ່າງກອງປະຊຸມສະມັດຊາໃຫຍ່ແຫ່ງສະຫະປະຊາຊາດ (UNGA) ຄັ້ງທີ 76 ໃນວັນທີ 22 ກັນຍາ ໂດຍມີຜູ້ນຳອັງກິດ, ການາດາ, ອິນໂດເນເຊຍ ແລະ ອາຟຣິກາໃຕ້ ພ້ອມທ່ານ ດຣ. ທີໂດຣສ ອັດຮານອມ ກີບຣີເຢຊຸສ ຜູ້ອຳນວຍການອົງການອະນາໄມໂລກ (WHO) ຮ່ວມປະຊຸມຜ່ານລະບົບທາງໄກ.

ໄບເດນ ກ່າວວ່າ: ການບໍລິຈາກວັກຊີນເພີ່ມດັ່ງກ່າວ ຖືເປັນຄວາມມຸ່ງໝັ້ນຄັ້ງປະຫວັດສາດຂອງອາເມລິກາ ແລະ ເຮັດໃຫ້ຈຳນວນວັກຊີນທີ່ອາເມລິກາບໍລິຈາກທົ່ວໂລກເພີ່ມເປັນ 1,1 ພັນລ້ານໂດສ ເຊິ່ງຕອນນີ້ສາມາດຈັດສົ່ງໄປແລ້ວປະມານ 160 ລ້ານໂດສ ແລະ

ກຽມຈັດສົ່ງອີກ 200 ລ້ານໂດສ ໃນທ້າຍປີນີ້, ສ່ວນວັກຊີນທີ່ເຫລືອອີກປະມານ 800 ລ້ານໂດສ ຈະເລີ່ມຈັດສົ່ງໄດ້ໃນປີໜ້າ.

ຂະນະທີ່ຜູ້ນຳອາເມລິກາ ກ່າວວ່າ: ການເອົາຊະນະວິກິດແຜ່ລະບາດຂອງໂຄວິດ ຕ້ອງປະຕິບັດຈາກທຸກບ່ອນທົ່ວໂລກ ແລະ ຢືນຢັນວ່າການແກ້ໄຂວິກິດທີ່ເກີດຂຶ້ນບໍ່ສາມາດປະຕິບັດໄດ້ດ້ວຍມາດຕະການ ແລະ ຄວາມຕັ້ງໃຈທີ່ເຄິ່ງໆກາງໆ ແຕ່ຕ້ອງເຮັດຢ່າງເຕັມທີ່.

ເຖິງຢ່າງໃດກໍຕາມ, ຜູ້ຊ່ຽວຊານເບິ່ງວ່າ: ວັກຊີນ 1,1 ພັນລ້ານໂດສ ຍັງຫ່າງໄກຈາກຈຳນວນວັກຊີນອີກຫລາຍກວ່າ 5-9 ພັນລ້ານໂດສ ທີ່ຕ້ອງການສຳລັບປະເທດກຳລັງພັດທະນາ. ຂະນະທີ່ການບໍລິຈາກວັກຊີນພຽງຢ່າງດຽວ ບໍ່ພຽງພໍໃນການຢຸດສະຖານະການລະບາດຂອງໂຄວິດ.

ທັງນີ້, ໄບເດນ ຍັງເຜີຍວ່າ: ອາເມລິກາຈະສະໜັບສະໜູນງົບປະມານສຳລັບການຈັດການສັກວັກຊີນເຫລົ່ານີ້ອີກ 370 ລ້ານໂດລາສະຫະລັດ ແລະ ມອບເງິນອີກ 380 ລ້ານໂດລາສະຫະລັດ ເພື່ອຊ່ວຍອົງກອນພັນທະມິດເພື່ອວັກຊີນກາວີ (Gavi) ໃນການບໍລິຫານຈັດການແຈກຢາຍວັກຊີນໄປພາກພື້ນຕ່າງໆ.

ທີ່ມາ: KHUMKHOM

ຂ່າວທົ່ວໄປ