ໃສ່ໃຈໄດ້ແຕ່ມອງ ແຕກແລ້ວ 100 ລ້ານວິວ ເພງດັງມາແຮງແຊງທາງໂຄ້ງຂອງສອງອ້າຍນ້ອງໄຟແຮງ GX 2

ໃສ່ໃຈໄດ້ແຕ່ມອງ ແຕກແລ້ວ 100 ລ້ານວິວ ເພງດັງມາແຮງແຊງທາງໂຄ້ງຂອງສອງອ້າຍນ້ອງໄຟແຮງ GX 2

ນຳມາຕິດໆໃນທີ່ສຸດກໍແຕະ 100 ລ້ານວິວຈົນໄດ້ ສຳລັບເພງ ໃສ່ໃຈໄດ້ແຕ່ມອງຂອງ GX2  ຕ້ອງຊົມເຊີຍຄວາມພະຍາຍາມຂອງນັກຮ້ອງໄວລຸ້ນຢ່າງໜຸ່ມກູດ GX2 ແລະ ເຈມ Uno ທີ່ 2 ອ້າຍນ້ອງຊ່ວຍກັນແຕ່ງເພງນີ້ອອກໄດ້ມາຢ່າງຄອງໃຈແຟນເພງ ເຊິ່ງເພງນີ້ຮ້ອງໂດຍກູດ GX 2.​  ຕ້ອງສະແດງຄວາມດີໃຈກັບສິລະປິນໄວລຸ້ນລາວຍຸກໃໝ່ແທ້ໆ ທີ່ມີໃຈຮັກສຽງດົນຕີ ພ້ອມສ້າງສັນຜົນງານເພງມ່ວນໆໃຫ້ເຮົາໄດ້ຟັງ ປັງບໍ່ຢຸດ ເຮັດໃຫ້ວົງການເພງລາວກັບມາຄຶກຄື້ນກັນອີກຄັ້ງ. ໂດຍສະເພາະເພງ “ໃສ່ໃຈໄດ້ແຕ່ມອງ” ທີ່ແຕະຍອດວິວ 100 ລ້ານຄັ້ງພາຍໃນເວລາ 3 ເດືອນເທົ່ານັ້ນ! ເຊິ່ງຜົນງານນີ້ປ່ອຍຕັ້ງແຕ່ 27 ພຶດສະພາ 2020 ຈົນມາຮອດປັດຈຸບັນຍອດວິວທະລຸແບບຢຸດບໍ່ຢູ່!

ໃສ່ໃຈໄດ້ແຕ່ມອງ(ใส่ใจได้แค่มอง)By : Gx2 ( official mv )

ເວົ້າໄດ້ວ່າ ນຳມາອີກເພງທີ່ຮອດ 100 ລ້ານວິວ ຈາກຢາກເປັນລູກເຂີຍ ຕໍ່ມາແມ່ນໃສ່ໃຈໄດ້ແຕ່ມອງ. ເປັນອີກໜຶ່ງບາດກ້າວຄວາມສຳເລັດຂອງ GX 2 ແລະ ເຊື່ອວ່າເພງນີ້ຍອດວິວຍັງຈະຂຶ້ນເລື້ອຍໆ. ສ່ວນເພງໃສ່ໃຈໄດ້ແຕ່ມອງເປັນທີ່ໂດ່ດັງ ຖືກນຳໄປໂຄເວີຢ່າງລົວໆ, ຖ້າບໍ່ເຊື່ອລອງຊອກຄຳວ່າໂຄເວີໃສ່ໃຈໄດ້ແຕ່ມອງ ເຈົ້າຈະເຫັນເລີຍວ່າເນັດໄອດໍ້, ນັກຮ້ອງ, ຄົນດັງຕ່າງກໍໂຄເວີ ທັງພາຍໃນປະເທດເອງກໍມີຫຼາຍຄົນນຳເອົາໄປຮ້ອງເປັນຕົ້ນແມ່ນ ໂຈໂຈ້ Miracle. ສ່ວນດ້ານປະເທດໄທກໍຈະແມ່ນສິງໂຕ ນຳໂຊກ ແລະ ຄົນອື່ນໆ ແລະ ນຳເອົາທ່ອນກາງມາໃຊ້ໃນແອັບ TikTok ຫຼາຍໆນັ້ນສະແດງໃຫ້ເຫັນວ່າເພງລາວເຮົາກໍມີອິດທິພົນຕໍ່ເຂົາເຈົ້າເຊັ່ນກັນ.

ແຕ່ຜົນງານເພງນີ້ນີ້ກໍໄດ້ເປັນເຄື່ອງພິສູດຢ່າງໜຶ່ງວ່າເພງລາວສາມາດຂະຫຍາຍຕະຫຼາດຜູ້ຟັງໄດ້ ທີ່ບໍ່ມີພຽງແຕ່ຄົນລາວຟັງນຳກັນ ເພາະເພງດັ່ງກ່າວຍັງໄດ້ຖານຜູ້ຟັງຈາກປະທດອື່ນໂດຍສະເພາະແມ່ນປະເທດໄທ! ກາຍເປັນເພງຮິດຕິດຫູຂອງ 2 ຟາກຝັ່ງແມ່ນໍ້າຂອງ. ເປັນເພງໜຶ່ງທີ່ປະສົບຄວາມສຳເລັດດ້ວຍຄວາມມຸ່ງໝັ້ນ ແລະ ຕັ້ງໃຈຂອງທາງທີມງານທຸກຄົນ ທີ່ສຳຄັນເຮັດດ້ວຍໃຈຮັກ ສົ່ງຕໍ່ຄວາມສຸກໃຫ້ທຸກຄົນ. ດັ່ງນັ້ນເຮົາເປັນຄົນລາວຄວນສະຫນັບສະໜຸນເພງລາວນຳກັນໃຫ້ດັງຂຶ້ນກວ່າເກົ່າ ແລະ ເປັນກຳລັງໃຈໃຫ້ເຫຼົ່ານັກຮ້ອງພ້ອມສ້າງຜົນງານເພງທີ່ມີຄຸນນະພາບໃຫ້ເຮົາໄດ້ຟັງເລື້ອຍໆເດີ້.

ຂ່າວບັນເທີງ