ທ່ານໝໍ ຫລີ່ ເຫວິນຫລຽງ ເສຍຊີວິດຄົບຮອບ 2ປີ ຄົນທຳອິດທີ່ມາເຕືອນການລະບາດໂຄວິດ

ທ່ານໝໍ ຫລີ່ ເຫວິນຫລຽງ ເສຍຊີວິດຄົບຮອບ 2ປີ ຄົນທຳອິດທີ່ມາເຕືອນການລະບາດໂຄວິດ

ທ່ານໝໍ ຫລີ່ ເຫວິນຫລຽງ ເປັນໝໍປົວຕາປະຈຳໂຮງໝໍອູ່ຮັນ ເປັນບຸກຄົນທຳອິດທີ່ພະຍາຍາມອອກມາເຕືອນປະຊາຊົນ ເລື່ອງການເກີດລະບາດຂອງໄວຣັສໂຄໂຣນາສາຍພັນໃໝ່ 2019 ແລະ ທ່ານໄດ້ເສຍຊີວິດລົງໃນວັນທີ 7 ກຸມພາ 2020.ທ່ານ ຫລີ່ ເຫວິນຫລຽງ ເລີ່ມສັງເກດອາການຂອງຜູ້ຕິດເຊື້ອຈຳນວນ 7 ຄົນ ແລະ ເຫັນວ່າກຸ່ມຄົນດັ່ງກ່າວມີອາການຂອງໄວຣັສຊາ ຫລື ພະຍາດທາງເດີນຫາຍໃຈຮຸນແຮງ ທີ່ເຄີຍລະບາດໃນປີ 2003 ຜ່ານມາ.

ຕໍ່ມາວັນທີ 30 ທັນວາ 2019 ທ່ານໝໍ ຫລີ່ ໄດ້ເລີ່ມເຕືອນໝູ່ເພື່ອນຮ່ວມງານປ້ອງກັນຕົນເອງຈາກພະຍາດດັ່ງກ່າວນີ້ ເຊິ່ງອາດມີການແພ່ລະບາດໃນອູ່ຮັນ ພ້ອມທັງໂພສລົງຜ່ານກຸ່ມ WeChat ທີ່ເປັນກຸ່ມນັກຮຽນແພດຮຸ່ນດຽວກັນ.

ແຕ່ການໂພສຂອງທ່ານໝໍ ແທນທີ່ຈະເປັນຜົນດີ ກັບຖືກຕຳຫລວດໃນພື້ນທີ່ຮຽກເຂົ້າພົບເພື່ອກວດສອບ ພ້ອມທັງໃຫ້ລົງບັນທຶກໃນຂໍ້ຫາວ່າເປັນຜູ້ເຜີຍແຜ່ຂ່າວປອມ ບໍ່ມີມູນຄວາມຈິງ ແລະ ສ້າງຄວາມແຕກຕື່ນໃຫ້ປະຊາຊົນ ເປັນ 1 ໃນ 8 ບຸກຄົນທີ່ຖືກເຈົ້າໜ້າທີ່ກັກຕົວ ແຕ່ພາຍຫລັງເກີດການລະບາດ ເຈົ້າໜ້າທີ່ດັ່ງກ່າວກໍໄດ້ອອກມາຂໍໂທດທ່ານໝໍ.

ພາຍຫລັງພັກເທສະການປີໃໝ່ ທ່ານໝໍໄດ້ເຂົ້າວຽກປົກກະຕິ ແລະ ເລີ່ມມີອາການປ່ວຍໃນວັນທີ 10 ມັງກອນ 2020 ທ່ານໄດ້ເລົ່າເຖິງອາການເບື້ອງຕົ້ນວ່າ ເລີ່ມມີອາການໄອ, ເປັນໄຂ້ ແລະ ອີກ 2 ມື້ກໍໄດ້ເຂົ້່າຮັບການປິ່ນປົວຢູ່ໂຮງໝໍ ແລະ ໄດ້ຮັບການວິນິດໄສວ່າຕິດເຊື້ອໂຄໂຣນາ ໃນວັນທີ 30 ມັງກອນ 2020.

ຕໍ່ຈາກນັ້ນທ່ານກໍມີອາການໜັກຂຶ້ນຊັກໄຊ້ ແລະ ເສຍຊີວິດລົງໃນວັນທີ 7 ກຸມພາ 2020 ໃນໄວອາຍຸ 34 ປີ ນັບວ່າເປັນການບຸກຄະລາກອນກອນແພດຄົນທຳອິດທີ່ອອກມາເຕືອນປະຊາຊົນ ແລະ ເປັນບຸກຄົນການແພດຄົນທຳອິດຂອງຈີນທີ່ເສຍຊີວິດຍ້ອນໂຄວິດ-19.

ພາຍຫລັງການເສຍຊີວິດຂອງທ່ານ ທາງການຈີນໄດ້ອອກມາຂໍໂທດ, ແກ້ໄຂຂໍ້ກ່າວຫາ ໃຫ້ພົ້ນຜິດທຸກໆຢ່າງ ແລະ ຍົກຍ້ອງໃຫ້ເປັນວີລະບຸລຸດຂອງຊາດ.

ດັ່ງນັ້ນ, ເມື່ອເຖິງວັນທີ 7 ກຸມພາ ປະຊາຊົນຈຳນວນຫລາຍໄດ້ຮ່ວມກັນວາງດອກໄມ້ໄວ້ອາໄລແດ່ດວງວິນຍານຂອງ ທ່ານໝໍ ຫລີ່ ເຫວິນຫລຽງ ໃນຖານະວີລະບຸລຸດຂອງພວກເຂົາ.

ຂ່າວທົ່ວໄປ