ຮືຮາທັງໂຊຊ້ຽວ ມາສັກວັກຊິນປ້ອງກັນໂຄວິດ-19 ແຖມໄກ່ໃຫ້ໄປລ້ຽງ ຫຼື ຕົ້ມຢູ່ເຮືອນ ບໍ່ໄດ້ໃຫ້ກິນຢູ່ສູນກັກໂຕເດີ້ (ຢ່າເຂົ້າໃຈຜິດ)

ຮືຮາທັງໂຊຊ້ຽວ ມາສັກວັກຊິນປ້ອງກັນໂຄວິດ-19 ແຖມໄກ່ໃຫ້ໄປລ້ຽງ ຫຼື ຕົ້ມຢູ່ເຮືອນ ບໍ່ໄດ້ໃຫ້ກິນຢູ່ສູນກັກໂຕເດີ້ (ຢ່າເຂົ້າໃຈຜິດ)

ໃນວັນທີ 17 ມິຖຸນາ 2021 ສໍານັກຂ່າວຕ່າງປະເທດໄດ້ລາຍງານວ່າ:

ໜ່ວຍງານທ້ອງຖິ່ນໃນເຂດຊົນນະບົດຂອງປະເທດອິນໂດເນເຊຍໄດ້ມີໄອເດຍໃນການສ້າງແຮງຈູງໃຈໃຫ້ກັບຜູ້ສູງອາຍຸໃນການເຂົ້າມາຮັບການສັກວັກຊີນປ້ອງກັນໂຄວິດ-19 ໂດຍການແຈກໄກ່ໂຕເປັນໆ ເຊິ່ງໂຄງການດັ່ງກ່າວແມ່ນເພື່ອເພີ່ມຈໍານວນໃຫ້ຜູ້ທີ່ມີອາຍຸ 45 ປີຂື້ນໄປມາສັກວັກຊີນໃຫ້ໄດ້ຫຼາຍທີ່ສຸດ

ທາງດ້ານຕໍາຫຼວດທີ່ໄດ້ເປີດໂຕໂຄງການແຈກໄກ່ຟຣີນີ້ບອກວ່າໂຄງການເປີດມາໄດ້ໄລຍະເວລາ 1 ເດືອນແລ້ວ ໂດຍການຮ່ວມມືກັບລັດຖະບານ ໃນຊ່ວງທີ່ຍັງບໍ່ມີໂຄງການນີ້ມີປະຊາຊົນພຽງ 25 ຄົນທີ່ກຽມພ້ອມສັກວັກຊີນ ແຕ່ຫຼັງຈາກທີ່ມີໂຄງການນີ້ຂື້ນມາປະຊາຊົນກໍມາຮັບການສັກວັກຊີນທີ່ເພີ່ມຂື້ນມື້ລະ 250 ຄົນ.

ການແຈກໄກ່ໃຫ້ກັບຜູ້ທີ່ມາສັກວັກຊີນນັ້ນເປັນສັນຍາລັກແຫ່ງຄວາມຮັກ ແລະ ຄວາມເຄົາລົບຕໍ່ກັບຜູ້ສູງອາຍຸ ເຮັດໃຫ້ຜູ້ທີ່ມີອາຍຸສູງຮູ້ສຶກສະບາຍໃຈຫຼາຍຂື້ນ.

ທີ່ມາ : Khaosod

ຂ່າວທົ່ວໄປ