ດ່ວນໆ ໄທ ເລັ່ງ​ສ້າງຂົວ​ທາງ​ລົດ​ໄຟ​ເຊື່ອມຕໍ່ລົດໄຟລາວ

ດ່ວນໆ ໄທ ເລັ່ງ​ສ້າງຂົວ​ທາງ​ລົດ​ໄຟ​ເຊື່ອມຕໍ່ລົດໄຟລາວ

ໄທ-ລາວ ຕ້ອງເລັ່ງ​ສ້າງ “ຂົວ​ທາງ​ລົດ​ໄຟ​ລາວ-ໄທ”

ທ່ານ “ດຣ.ຈະຕຸລົງ ບຸນນາກ” ປະທານສະພານັກທຸລະກິດໄທ-ລາວ ໄດ້ໃຫ້ສຳພາດວ່າ:

“ໄທ-ລາວ ຕ້ອງເລັ່ງກໍ່ສ້າງຂົວທາງລົດໄຟໃໝ່ໃຫ້ໄວເທົ່າທີ່ຈະໄວໄດ້. ເພື່ອບໍ່ໃຫ້ມີບັນຫາການເຊື່ອມຕໍ່ທີ່ຂາດຫາຍໄປ, ຖ້າພວກເຮົາຕັດສິນໃຈໃນປັດຈຸບັນ, ມັນຈະໃຊ້ເວລາ 2-3 ປີໃນການກໍ່ສ້າງ

ດັ່ງນັ້ນຈົ່ງຮີບດ່ວນທີ່ສຸດ ທີ່ຈະຄົ້ນຄວ້າ ແລະ ຮີບດ່ວນອະນຸມັດ. ​ຮູ້​ວ່າ​ໃນ​ໄລຍະ​ຜ່ານ​ມາ​ ໄດ້ມີການຈັດຕັ້ງ ຄະນະຂອງ 3 ປະເທດ ​ຄື ​ລາວ-ຈີນ-​ໄທ ຂື້ນ ເພຶ່ອ ພິຈາລະນາໃນເລື່ອງນີ້ ພ້ອມທັງມີແຜນຜັງຄັກແນ່ ໃນທ້າຍເດືອນ ພະຈິກ ທີ່ຜ່ານມາ. ແຕ່ຍັງບໍ່ມີຄວາມຄືບໜ້າໃດໆ.”

“ຍອມຮັບວ່າໄທເອງ ແມ່ນຍັງຊ້າ, ຖ້າມີການກະກຽມທີ່ຈະນໍາໃຊ້ການຂົນສົ່ງລະບົບລາງແລ້ວ ກໍ່​ຄວນ ເຮັດການເຊຶ່ອມຕໍ່ກັບທາງລົດໄຟລາວ-ຈີນແລ້ວ ຄວນເລັ່ງກໍ່ສ້າງຂົວ​ທາງ​ລົດ​ໄຟ​ລາວ-​ໄທ​ໃຫ້​ໄວ​ຂຶ້ນ”

ຖ້າຫາກວ່າ​ເສັ້ນທາງ​ດັ່ງກ່າວຖືກ​ນຳ​ໃຊ້​ຢ່າງ​ຄົບ​ຖ້ວນ ​ຈະ​ເປັນ​ຜົນ​ດີ​ຕໍ່​ການ​ຄ້າ​ຂອງ​ໄທຫຼາຍ. ແລະ ອາດຈະເຮັດໃຫ້ການຄ້າໄທ-ລາວ ​ຈະ​ເພີ່ມ​ຂຶ້ນ 15​% ໃນປີ 2022, ນີ້ຍັງບໍ່ນັບການຄ້າລະຫວ່າງຊາຍແດນຂອງລາວກັບຈີນ.

ຂໍ້ມູນ ຈາກ ປະຊາຊາດທຸລະກິດ

ຂ່າວທົ່ວໄປ