ຈຳປາສັກ ສັ່ງສືບຕໍ່ປິດຮ້ານເກມ ແລະ ຮ້ານບັນເທີງຕ່າງໆ ສ່ວນງານດອງ ແມ່ນໃຫ້ຈັດງານນ້ອຍ

ຈຳປາສັກ ສັ່ງສືບຕໍ່ປິດຮ້ານເກມ ແລະ ຮ້ານບັນເທີງຕ່າງໆ ສ່ວນງານດອງ ແມ່ນໃຫ້ຈັດງານນ້ອຍ

ໃນວັນທີ 28 ມັງກອນ 2021 ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ ໄດ້ອອກແຈ້ງການ ສະບັບເລກທີ 063 ເລື່ອງການຍົກລະດັບຕ້ານ ລະ ສະກັດກັ້ນການລະບາດຂອງພະຍາດໂຄວິດ ໃນໄລຍະທີ່ມີປະກົດການ ຕິດເຊື້ອຈາກແຮງານທີ່ເຂົ້າມາຈາກຕ່າງປະເທດ.

ໂດຍສັ່ງໃຫ້ສືບຕໍ່ປິດ ຮ້ານບັນເທີງ, ຮ້ານຄາຣາໂອເກະ, ຮ້ານເກມທຸກປະເພດ, ບໍ່ອະນຸຍາດໃຫ້ຈັດງານຄອນເສີດ, ງານລາຕີສະໂມສອນ ແລະ ງານສະຫຼອງບຸນປະເພນີ ໂດຍໃຫ້ຈັດຕາມຮີດຄອງແບບກະທັດຮັດ ບໍ່ເປັນງານໃຫຍ່ ແລະ ຕ້ອງປະຕິບັດຕາມມາດຕະການປ້ອງກັນການແຜ່ລະບາດຂອງພະຍາດໂຄວິດ-19 ຢ່າງເຂັ້ມງວດ,

ສຳລັບງານດອງ ກໍ່ໃຫ້ຈັດແບບກະທັດຮັດ ປະຢັດມັດທະຍັດຕາມຮີດຄອງປະເພນີກໍ່ພໍ.

ຂ່າວທົ່ວໄປ