ແພດສາວຊາວຈີນ ນັກເພາະກາຍຍິງຊື່ດັງ ຜູ້ປະຕິບັດພາລະກິດປິ່ນປົວຄົນເຈັບໄວລັດ ໂຄວິດ-19

ແພດສາວຊາວຈີນ ນັກເພາະກາຍຍິງຊື່ດັງ ຜູ້ປະຕິບັດພາລະກິດປິ່ນປົວຄົນເຈັບໄວລັດ ໂຄວິດ-19

ແພດສາວຊາວຈີນ ເຊິ່ງເປັນນັກເພາະກາຍພ້ອມ ກ່າວວ່າ “ຂ້ອຍຕ້ອງຢູ່ໃນແຖວໜ້າ ເພື່ອຕໍ່ສູ້ຕ້ານການແພ່ລະບາດຂອງໄວຣັດໂຄໂຣນາ

ນອກຈາກຈະເປັນແພດແລ້ວ Yuan ຍັງເປັນນັກເພາະກາຍທີ່ຄວ້າຫຼຽນໃນການແຂ່ງຂັນຫຼາຍລາຍການມາແລ້ວ. ດ້ວຍໃບໜ້າທີ່ໜ້າຮັກຄືກັບຕຸກກະຕາ ແຕ່ມີຮ່າງກາຍທີ່ເຕັມໄປດ້ວຍກ້າມເນື້ອໃຫຍ່ໂຕ ຈຶ່ງເຮັດໃຫ້ສາວຈີນຄົນນີ້ກາຍເປັນທີ່ຈື່ຈຳ ແລະ ມີຊື່ສຽງຂຶ້ນມາ ໂດຍບັນຊີອິນສະຕາແກຣມຂອງນາງ ມີຜູ້ຕິດຕາມຫຼາຍກວ່າ 360,000 ຄົນ

ໃນພາລະກິດຕ້ານໄວຣັດໂຄໂຣນາ, Yuan ກໍເປັນໜຶ່ງໃນແພດທີ່ປະຕິບັດໜ້າທີ່ຢ່າງແຂງຂັນໃນການປິ່ນປົວຮັກສາຄົນເຈັບຈາກພະຍາດອັກເສບປອດຈາກໄວຣັດໂຄໂຣນາສາຍພັນໃໝ່ ໂດຍປະຈຳຢູ່ທີ່ພື້ນທີ່ຫ່າງຈາກອູ່ຮັ້ນ ສູນກາງການລະບາດຂອງໄວຣັດ ປະມານ 1,000 ກິໂລແມັດ

Yuan ກ່າວວ່າ ຂ້ອຍເປັນແພດ ຂ້ອຍຕ້ອງຢູ່ແຖວໜ້າ ຂ້ອຍຈະເຮັດໃຫ້ດີທີ່ສຸດເພື່ອຊ່ວຍເຫຼືອໃນລະຫວ່າງການລະບາດຂອງໄວຣັດ

ນາງໄດ້ໂພສໃນອິນສະຕາແກຣມຂອງນາງວ່າ ຕົນເອງໄດ້ປິ່ນປົວຄົນເຈັບ 170 ຄົນຈົນຫາຍເຊົາຈາກໄວຣັດ ແຕ່ຍັງມີກໍລະນີສົງໄສອີກເກືອບ 16,000 ຄົນ ທີ່ຕ້ອງໄດ້ຕິດຕາມອີກ

ຜູ້ທີ່ຕິດຕາມສາວຈີນຄົນນີ້ຈະຮູ້ດີວ່າ ນາງທຸ້ມເທເຫື່ອແຮງໃນການຊ່ວຍເຫຼືອປິ່ນປົວຄົນອື່ນໃນຄລີນິກທີ່ນາງເຮັດວຽກຢູ່ ພ້ອມທັງອັບເດດໃຫ້ຜູ້ຕິດຕາມຮູ້ກ່ຽວກັບການຝຶກຊ້ອມເພາະກາຍຂອງຕົນເອງ

ທັງເກັ່ງ ແລະ ໜ້າຮັກຂະໜາດນີ້ ໄວລັດກໍ່ຢ້ານກົ່ວ

ຂ່າວທົ່ວໄປ