ຜູ້ໂດຍສານຝາກຈົດໝາຍຂອບໃຈ ເຖິງສະຖານີຫຼວງພະບາງ

ຜູ້ໂດຍສານຝາກຈົດໝາຍຂອບໃຈ ເຖິງສະຖານີຫຼວງພະບາງ

ພີ່ນ້ອງຂອງຜູ້ໂດຍສານທີ່ໄດ້ຮັບການຊ່ວຍເຫຼືອ ເນື່ອງຈາກເປັນລົມຢູ່ສະຖານີຫຼວງພະບາງ ຝາກຈົດໝາຍຂອບໃຈເຖິງສະຖານີ

ຕາມລາຍງານໄດ້ໃຫ້ຮູ້ວ່າເວລາ 10:55 ຂອງວັນທີ 12 ສິງຫາ 2022 ມີຜູ້ໂດຍສານເປັນລົມທີ່ຫ້ອງລໍຖ້າຂອງສະຖານີຫຼວງພະບາງ ເນື່ອງຈາກມີອາການໄຕອັກເສບ, ພະນັກງານສະຖານີຈິ່ງຮີບຮ້ອນເຂົ້າໄປຊ່ວຍເຫຼືອ

ໂດຍການໂທແຈ້ງສຸກເສີນ ແລະ ໃຫ້ພະນັກງານປະກາດຫາຜູ້ໂດຍສານທີ່ເປັນແພດໝໍໃນສະຖານີ, ພ້ອມທັງກັກກັນເຂດທີ່ເກີດເຫດບໍ່ໃຫ້ຜູ້ໂດຍສານທີ່ບໍ່ມີສ່ວນກ່ຽວຂ້ອງມາໃກ້ຄົນເຈັບ ແລະ ອຳນວຍຄວາມສະດວກໃຫ້ລົດສາມາດແລ່ນເຂົ້າມາທາງຫນີໄຟສຸກເສີນຂອງສະຖານີ,

ພະນັກງານ ແລະ ຕຳຫຼວດປະຈຳສະຖານີໄດ້ຊ່ອຍກັນຍົກຜູ້ປ່ວຍຂຶ້ນລົດສຸກເສີນທີ່ມາຮັບ ພ້ອມທັງຖອນປີ້ເດີນທາງໃຫ້ຜູ້ປ່ວຍດັ່ງກ່າວ ແລະ ປ່ຽນປິ້ໃຫ້ຜູ້ໂດຍສານທີ່ຕິດຕາມມານຳ.

ຜູ້ໂດຍສານທີ່ໄດ້ຮັບຄວາມຊ່ວຍເຫຼືອມີຄວາມເພິ່ງພໍໃຈຕໍ່ການບໍລິການ ແລະ ຂັ້ນຕອນການແກ້ໄຂບັນຫາຂອງພະນັກງານລົດໄຟຫຼາຍ ຈິ່ງໄດ້ຂຽນຈົດໝາຍສະແດງຄວາມຂອບໃຈ ແລະ ເປັນກຳລັງໃຈໃຫ້ແກ່ພະນັກງານລົດໄຟທຸກໆທ່ານ.

ບໍລິສັດທາງລົດໄຟລາວ-ຈີນ ຈຳກັດ ຂໍສະແດງຄວາມຊົມເຊີຍຕໍ່ພະນັກງານສະຖານີທຸກຄົນ ລວມທັງເຈົ້າຫນ້າທີ່ທີ່ກ່ຽວຂ້ອງ ທີ່ໄດ້ເຂົ້າຮ່ວມໃນການຊ່ວຍເຫລືອຄົນເຈັບໃນຄັ້ງນີ້.

ພ້ອມດຽງກັນນີ້ ບໍລິສັດກໍຍັງມີແຜນການສະເໜີໄປຫາກະຊວງສາທາລະນະສຸກກ່ຽວກັບແຜນການ ແລະ ຄຳແນະນຳວຽກປ້ອງກັນ ແລະ ແກ້ໄຂເຫດການສຸກເສີນຜ່ານຂັ້ນຕອນລະບົບປິ່ນປົວຂອງກະຊວງສາທາລະນະສຸກ

ໃນການຂົນສົ່ງໂດຍສານ, ສິນຄ້າ ແລະ ພະນັກງານ ເພື່ອເປັນການປ້ອງກັນ, ຫຼຸດຜ່ອນຄວາມສ່ຽງ ແລະ ແກ້ໄຂບັນຫາສຸກເສີນໃຫ້ທັນການ

ຂ່າວ-ພາບ: ບໍລິສັດ​ທາງລົດໄຟ​ ລາວ-ຈີນ

ຂ່າວທົ່ວໄປ