ສວນອາຫານ ວັງລາວດາວຄຳ ເນລະມິດແບບສຸດອາລັງການ ຍົກເອົາຄ້າຍປະຕູໄຊໄປໄວ້ໃນສວນເລີຍ

ສວນອາຫານ ວັງລາວດາວຄຳ ເນລະມິດແບບສຸດອາລັງການ ຍົກເອົາຄ້າຍປະຕູໄຊໄປໄວ້ໃນສວນເລີຍ

ຕື່ນຕາຕື່ນໃຈ ສວນອາຫານ ວັງລາວດາວຄຳ ເຈົ້າຂອງດຽວກັບ ຮ້ານ&ເທັກ ດາວຄຳ ນະຄອນຫຼວງວຽງຈັນ ໄດ້ເນລະມິດສວນອາຫານສຸດອາລັງການ ໂດຍຍົກເອົາປະຕູໄຊໄປໄວ້ໃນສວນອີກ ບອກເລີຍວ່າ ງົດງາມທີ່ສຸດ ແລະ ເໝາະສຳຫຼັບການຕີລັງກາພັກຜ່ອນຢ່ອນຂາ ອ້າປາກຊົມດາວ ຫຼາກຫຼາຍກິດຈະກຳສຸດໆໄປເລີຍ ສະຖານທີ່ກຳລັງສ້າງໃກ້ຈະສຳເລັດ ແລະ ເປີດໄວໆນີ້.

ສວນອາຫານ ວັງລາວດາວຄຳ ເປີດບໍລິການເນັ້ນຄວາມສະອາດ ຕິດພັນທຳມະຊາດ

ຂປລ. ສວນອາຫານ ວັງລາວດາວຄຳ ເປັນໜຶ່ງໃນສວນອາຫານທີ່ຢູ່ໃຈກາງເມືອງ, ເຊິ່ງຕັ້ງຢູ່ເຂດ ຂອງບ້ານເມືອງນ້ອຍ ເມືອງໄຊເສດຖາ ນະຄອນຫລວງວຽງຈັນ ໄດ້ເປີດໃຫ້ບໍລິການແລ້ວ ໂດຍເນັ້ນຄວາມສະອາດ ຕິດພັນກັບທຳມະຊາດ, ມີການຕົບແຕ່ງດ້ວຍຕົ້ນໄມ້ ອາກາດດີເຢັນສະບາຍ ເໝາະສໍາ ລັບການມາພັກຜ່ອນ.

ທ່ານ ຂັນທອງ ສີຊະນະດີ ປະທານ ກຸ່ມໂຮງແຮມ-ພັດຕະຄານດາວຄໍາ ໄດ້ກ່າວໃນພິທີເປີດສວນອານຫານດັ່ງກ່າວ, ໃນວັນທີ 18 ກັນຍາ 2020 ນີ້ວ່າ: ສວນອາຫານ ວັງລາວດາວຄຳ ມີເນື້ອທີ່ທັງໝົດ 36 ໄລ່, ບັນຍາກາດພາຍໃນສວນ ເນັ້ນວິວທໍາມະຊາດແບບບ້ານນາ, ບັນຍາກາດດີ, ສະອາດ, ອາຫານ ແຊບ, ມີອາຄານໃຫຍ່ 2 ຫລັງ, ມີ 70 ກວ່າຕູບ ມີຄວາມແຕກຕ່າງກັນ ເຊັ່ນ: ຕູບຕິດແອ, ຕູບທໍາມະດາ ແລະ ຕູບຫຍ້າ

ພ້ອມນີ້, ຍັງມີອາຫານຫລາກຫລາຍເມນູ ໂດຍສະເພາະອາຫານພື້ນບ້ານ ທີ່ເປັນສູດດັ້ງເດີມ ໄວ້ໃຫ້ບໍລິການແກ່ລູກຄ້າ. ພິເສດໃນແຕ່ລະຄ່ຳຄືນ ສວນອາຫານວັງລາວດາວຄຳ ໄດ້ຈັດ ການສະ ແດງສິລະປະວັນນະຄະດີ ເປັນຕົ້ນ ຟ້ອນ, ການຂັບລໍາຂອງແຕ່ລະພາກ, ແຕ່ລະຊົນເຜົ່າ ທັງນີ້ ກໍເພື່ອຮັກສາຄວາມເປັນລາວ, ອານຸລັກວັດທະນາທໍາຮີດຄອງປະເພນີ

ນອກນີ້, ຍັງເປັນການເຜີຍແຜ່ ສິລະປະວັດທະນະທຳ ຂອງຊາດລາວ ໃຫ້ອອກສູ່ສັງຄົມພາຍໃນ ແລະ ຕ່າງປະເທດ.

ສຳລັບທ່ານໃດທີ່ຍັງຊອກຫາບ່ອນພັກຜ່ອນ ທີ່ມີອາກາດເຢັນສະບາຍ ກໍ່ສາມາດມາແວ່ຫລິ້ນ ຢູ່ ສວນອາຫານວັງລາວດາວຄຳໄດ້, ໂທສອບຖາມຂໍ້ມູນໄດ້ທີ່ ເບີໂທ: 020 99600150 ຫລື ເຟສບຸກ: Suan Vanglao Daokham ສວນວັງລາວດາວຄຳ

ຂ່າວ: ກິດຕາ ພາບ: ເກດສະໜາ , ສະເກັດຂ່າວ Hot News

ຂ່າວທົ່ວໄປ