ຕຳຫຼວດຈີນ ກິນເຂົ້າພ້ອມເຊັດນໍ້າຕາໄປນຳ ເພື່ອເຮັດວຽກຕໍ່ສູ້ໄວຣັດໂຄໂຣນາ

ຕຳຫຼວດຈີນ ກິນເຂົ້າພ້ອມເຊັດນໍ້າຕາໄປນຳ ເພື່ອເຮັດວຽກຕໍ່ສູ້ໄວຣັດໂຄໂຣນາ

ຊົມ​ຄລິ​ບວິ​ດີ​ໂອ​ທີ່​ກຳ​ລັງ​ເປັນ​ກະ​ແສໃນ​ສື່​ສັງຄົມ​ອອນລາຍຂອງ​ຈີນ ຊຶ່ງ​ເປັນ​ພາບ​ຂອງ​ ເຫວີ່ຍ​ເຈຍ ຕຳ​ຫຼວດ​ກອງ​ໜຸນ​ໃນ​ເມືອງ​ຈື​ຫຢາງ ແຂວງ​ຊື່​ຊວນ (ເສ​ສວນ) ທາງພາກ​ຕາເວັນ​ອອກ​ຂອງ​ຈີນ ທີ່​ກຳ​ລັງ​ກິນ​ເຂົ້າ​ສວາຍ​ໄປ​ພາງ ຍົກ​ມື​ປາດ​ນ້ຳ​ຕາ​ໄປ​ພາງ ຫຼັງ​ຈາກ​ບໍ່​ໄດ້​ກັບ​ບ້ານ​ເປັນ​ເວລາ​ຫຼາຍ​ມື້ ເພາະ​ຕ້ອງ​ຮັບ​ມື​ກັບ​ເຊື້ອ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່ ຫຼື ພະຍາດ​ໂຄ​ວິດ​-19 (COVID-19)

ຂໍໃຫ້ຊາວຈີນທຸກຄົນປອດໄພ ແລະສາມາດກຳຈັດພະຍາດຮ້າຍນີ້ໃຫ້ໄດ້ໄວໆ. ເຫດການນີ້ເກີດຂື້ນທີ່ປະເທດຈີນໃນຊ່ວງກາງ ເດືອນກຸມພາ 2020 ທີ່ຜ່ານມາ, ຄລິບຕຳຫຼວດຈີນຄົນໜຶ່ງພວມກິນເຂົ້າ ທັງກິນທັງໄຫ້ສະອື້ນໄປນຳ

ເປັນຄລິບທີ່ພວມແຊຣ໌ ໃນສັງຄົມອອນລາຍຢ່າງແພ່ຫຼາຍ. ເຊິ່ງເປັນພາບເຫດການທີ່ບົ່ງບອກເຖິງຄວາມອົດທົນອົດກັ້ນໃນການປະຕິບັດໜ້າທີ່ຂອງພາກສ່ວນກ່ຽວຂ້ອງ ທີ່ບໍ່ທໍ້ຖອຍ ໂດຍເອົາຊີວິດໄປສ່ຽງຢູ່ກັບເຫດການທີ່ພວມເກີດຂຶ້ນ

ຢ່າງໃດ​ກໍ​ຕາມ ເມື່ອ​ໄດ້ຮັບ​ສັນຍາ​ນວ່າ​ ເຖິງ​ເວລາ​ຕ້ອງ​ໄປ​ປະຕິບັດ​ໜ້າທີ່ ເຫວີ່ຍ ​ຊໍ້າພັດ​ຟ້າວວາງພາຊະນະໃສ່ອາຫານ ​ແລະ ​ກັບ​ໄປ​ເຮັດວຽກ​ຢ່າງ​ວ່ອງໄວ

ຂ່າວທົ່ວໄປ