ຄົນສົ່ງເຄື່ອງ ມີຄວາມສ່ຽງ ອັນຕະລາຍ ເຂົາທຸກແຕ່ເຂົາອົດທົນບາງຄົນເປັນໄຂ້ເດືອນລະ 2 ເທື່ອຍ້ອນຕາກແດດຫຼາຍ

ວັນທີ 14/10/2020 ທີ່ນະຄອນຫຼວງວຽງຈັນ ຈາກເຟສບຸກ Muay Sananya Vks ໄດ້ໂພສວ່າ “ຂໍອະນຸຍາດໃຊ້ຮູບພາບ ເພາະພະນັກງານສົ່ງເຄື່ອງແມ່ນຮ້ານຂ້ອຍ ລະເສືອບົວແມ່ນຟູດແພນດ້າ ຂ້ອຍຂໍເວົ້າແດ່ເດິ້ກັບຄົນທີ່ສັ່ງຊື້ເຄື່ອງລະໃຫ້ໄປສົ່ງ ລະຢາກໃຫ້ແຕ່ສົ່ງຟຣິນີ້ນະ ມັນເປັນແນວໃດ ອະທິບາຍໃຫ້ຂ້ອຍຟັງແດ່ ກັບຢູ່ຕັ້ງບັກໄກໆ ຈາກໂພນຕ້ອງໄປສົ່ງທ່າເດື່ອສິໃຫ້ 10.000 ກີບ ອະທິບາຍດຸມັນເປັນແນວໃດ ລະເບິ່ງດຸເບິ່ງຊ່ວຍຂ້ອຍແດ່ ຊີວິດພະນັກງານສົ່ງເຄື່ອງນະ ຂ້ອຍຄົນຫນຶ່ງທີ່ເທີດທູນຍົກຍ້ອງຄວາມອົດທົນຂອງເຂົາ ເພາະເຂົາຂີ່ລົດຕາກແດດທຸກມື້ ໂທຫາບາງຄົນກະເວົ້າບໍ່ມ່ວນໃສ່ເຂົາ ພະນັກງານຂ້ອຍຈົນຄອບພັກເປັນໄຂ້ເດືອນລະ 2 ເທື່ອ

ຂ້ອຍຂໍລະ ຄັນສິປານນີ້ກະແນະນຳມາຊື້ເອງຫນ້າຮ້ານ ຄັນເຂົາໄປສົ່ງລະບໍ່ຢາກຈ່າຍ ກະບໍ່ຕ້ອງກິນຕ້ອງຊື້ ທ້ອງຖະຫນົນມີຄວາມສ່ຽງ ຄືຈັງລົດເຂົາເກີດອຸບັດເຫດແບບນີ້ ເຂົາກະໄດ້ຈົກເງິນເຂົາຈ່າຍເອງ ບໍ່ໄດ້ມີໃຜຢາກໃຫ້ມັນເກີດ ແປງລົດກະຫມົດເປັນລ້ານ ກະຫມົດໄປລະເດ້ເງິນນະ ຢາກຂໍໃຫ້ຄົນສັ່ງເຄື່ອງເຫັນໃຈພະນັກງານສົ່ງເຄື່ອງແດ່ເດິ້ ເຂົາເຈົ້າຄືຄົນທີ່ມີຄວາມມານະອົດທົນ ເກັບ 5 ເກັບ 10 ໄປສົ່ງແຕ່ລະບ່ອນກະຍ້ອນຢາກມີເງິນລ້ຽງຊີບ… ຢາກມີຊີວິດທີ່ດີຄືກັນກັບຄົນອື່ນ… ຂໍຂອບໃຈ #ບໍ່ມີຫຍັງຟຣີເພາະນຳ້ມັນລົດກະເອົາເງິນຊື້ #ສິຊື້ຫນ້ອຍຊຶ້ຫລາຍກະຕ້ອງໄດ້ເສຍຄ່າສົ່ງ #ຄິດໄລ່ຕາມໄລຍະທາງໃກ້ໄກຄວນເຫັນໃຈກັນ ຖ້າເວົ້າຜິດພາດປະການໃດຂໍອະໄພມານຳທີ່ນີ້ດ້ວຍ Save deliverly”