ບໍ່ຮູ້ຈັກບໍ່ໄດ້ແລ້ວ! ທ໋ອມມີ້ The Survival ກ້າວຜ່ານຄຳເວົ້າດູຖູກພ້ອມລຸກສູ້ເດີນຕາມຝັນ

ບໍ່ຮູ້ຈັກບໍ່ໄດ້ແລ້ວ! ທ໋ອມມີ້ The Survival ກ້າວຜ່ານຄຳເວົ້າດູຖູກພ້ອມລຸກສູ້ເດີນຕາມຝັນ

ມາຮູ້ຈັກ ທ໋ອມມີ້ ດວງດາລາ ຫຼື ຮູ້ຈັກກັນດີໃນນາມ ທ໋ອມມີ້ The Survival Laos. ປັດຈຸບັນ ອາຍຸ 18 ປີ.​ອາຊີບເປັນຊ່າງເສີມສວຍ ແລະ ຊ່າງແຕ່ງໜ້າ, ເປັນນັກສະແດງພິທີກອນແລະນາງແບບ ສັງກັດນິຍົມໂມເດວລິງ. ຜົນງານທີ່ຜ່ານມາແມ່ນຖ່າຍໂຄສະນາ, ມີໂອກາດໄດ້ເປັນນັກສະແດງໂຕປະກອບໃຫ້ກັບຊີຣີເຮົາ House ທີ່ຈະອອກອາກາດໃນໄວໆນີ້ ແລະ ເຄີຍຜ່ານການປະກວດໃນງານກິດຈະກຳຕ່າງໆ ເປັນນ້ອງໃຫມ່ບໍ່ທັນມີຜົນງານຫລາຍປານໃດ ແຕ່ຜົນງານແຕ່ລະອັນກໍປັງຢູ່ບໍ່ໜ້ອຍ.

ແຮງບັນດານໃຈທີ່ເຮັດໃຫ້ທ໋ອມມີ້ຕັດສິນໃຈລົງເຂົ້າແຂ່ງຂັນລາຍການ The Survival Laos ທ໋ອມມີ້ໄດ້ໃຫ້ສຳພາດກັບມ່ວນວ່າ: “ມັກຮັກກ່ຽວກັບວົງການນີ້ມາແຕ່ຍັງນ້ອຍແຕ່ຕົນບໍ່ເຄີຍມີໂອກາດເພາະເປັນຄົນຕ່າງແຂວງ ແຕ່ກ່ອນແມ່ນມັກເຮັດຄິບຕະຫລົກ ແລະ ຄລິບກ່ຽວກັບການເດິນລົງເຟສບຸກຕາມພາສາເດັກນ້ອຍບ້ານນອກ. ຫລັງຈາກຈົບມໍ 7 ກໍ່ໄດ້ມາຢູ່ນະຄອນຫລວງແລ້ວເປັນຈຸດເລີ່ມຕົ້ນທີ່ເຮັດໃຫ້ນ້ອງຈະກ້າວສູ່ວົງການບັນເທີງ ດ້ວຍຮູບແບບຂອງລາຍການ The Survival Laos ແມ່ນເພິ່ນບໍ່ຈຳກັດຮູບຮ່າງຫນ້າຕາ, ສ່ວນສູງ, ບໍ່ຈຳກັດເພດ ເລີຍເຮັດໃຫ້ຄິດວ່າ ລາຍການນີ້ສາມາດສານຝັນແລະຕໍ່ຍອດ ໃນສິ່ງທີ່ນ້ອງມັກຮັກ, ໄດ້ເຮັດໃນສິ່ງທີ່ບໍ່ເຄີຍເຮັດ ແລະ ທ້າທາຍຄວາມສາມາດໂຕເອງ, ໄດ້ຮັບຄວາມຮູ້ບົດຮຽນທີ່ Leader ທັງ 3 ຖ່າຍທອດໃຫ້”

ຕອນນີ້ ມັກຮັກກ່ຽວກັບການເປັນພິທີກອນ, ເດີນແບບ ແລະ ນັກສະແດງ.

ຈາກຄົນທຳມະດາ ສູ່ວົງການບັນເທີງອຸປະສັກທີ່ພົບ:

ສິ່ງທີ່ທ໋ອມມີ້ປ່ຽນແປງ ແລະ ພັດທະນາແມ່ນມີຫລາຍຢ່າງເລີຍຄື: ການແຕ່ງໂຕ, ການບຸກຄະລິກກະພາບ, ເລື່ອງການເຂົ້າສັງຄົມ ແລະ ອຸປະສັກທີ່ກ້າວຂ້າມຜ່ານ. ແນ່ນອນການເປັນເພດທີ່ສາມຕ້ອງຖືກບູລີ້ ຖືກແອນຕີ້ ຄົນອື່ນຈະເບິ່ງເປັນຕົວຕະຫລົກ ແລະໄດ້ຮັບຄຳດູຖູກຈາກຄົນອ້ອມຂ້າງ ແຕ່ກໍ່ບໍ່ໄດ້ຄິດທີ່ຈະຢຸດ ແລະ ຈົມກັບຄຳເວົ້າເຫລົ່ານັ້ນແຕ່ກັບມາເຮັດເປັນແຮງຊຸກຍູ້ເຮັດໃຫ້ຕົນສູ້ມາຈົນຮອດທຸກມື້ນີ້ ຂອບໃຈສຳຫລັບຄຳເວົ້າເຫລົ່ານັ້ນ.

ຊ່ອງທາງການຕິດຕາມ FACEBOOK: Tommy duangdala

IG: tommy_thesurvivallaos

ຂ່າວບັນເທີງ