ທີມແພດອູ່ຮັ່ນ ອວຍພອນປີໃໝ່ຈີນ ຄິດຮອດຄອບຄົວ ຈັ່ງໃດກໍ່ຂໍສູ້ສຸດກຳລັງກ່ອນ

ທີມແພດອູ່ຮັ່ນ ອວຍພອນປີໃໝ່ຈີນ ຄິດຮອດຄອບຄົວ ຈັ່ງໃດກໍ່ຂໍສູ້ສຸດກຳລັງກ່ອນ

ໃນມື້ສົ່ງທ້າຍປີເກົ່າຕ້ອນຮັບປີໃໝ່ຈີນ (24 ມັງກອນ) ກອງທັບແພດຈີນທີ່ຮັບໜ້າທີ່ເບິ່ງແຍງບັນດາຄົນເຈັບພະຍາດອັກເສບປອດ ຈາກເຊື້ອໄວຣັດໂຄໂຣນາສາຍພັນໃໝ່ (2019-nCoV) ຍັງສືບຕໍ່ເຮັດໜ້າທີ່ຂອງພວກເຂົາ ແຕ່ກໍບໍ່ລືມທີ່ຈະສົ່ງຄວາມຄິດຮອດ ແລະ ຫ່ວງໃຍຫາຄອບຄົວທີ່ຢູ່ເຮືອນ ແລະ ປະຊາຊົນທົ່ວປະເທດທີ່ຄອງຄອຍໄຊຊະນະຂອງພວກເຂົາ ຜ່ານຊຸດປ້ອງກັນການຕິດເຊື້ອທີ່ແໜ້ນໜາ ແລະ ຫ້ອງລັບຕ່າງໆພາຍໃນໂຮງໝໍ

ແພດຍິງຊາວຈີນຄົນໜຶ່ງສົ່ງຂໍ້ຄວາມຫາລູກຂອງລາວວ່າ ແມ່ມີຄົນຊ່ວຍວຽກເຕັມເລີຍ ບໍ່ຕ້ອງຫ່ວງເດີ້ ຢູ່ເຮືອນກໍເບິ່ງແຍງໂຕເອງດີໆ ຕົກລົງບໍ່? ພວກເຮົາຢູ່ບ່ອນນີ້ຈະສູ້ສຸດກຳລັງ

ແພດຍິງອີກຄົນໜຶ່ງ ຂຽນຂໍ້ຄວາມຂໍໂທດພໍ່ແມ່ທີ່ບໍ່ສາມາດກັບໄປຢູ່ພ້ອມໜ້າພ້ອມຕາກັບຄອບຄົວໄດ້ ແຕ່ອວຍພອນຂໍໃຫ້ທຸກຄົນມີຄວາມສຸກໃນວັນປີໃໝ່ຈີນ ແລະ ຂໍໃຫ້ເຊື່ອວ່າພວກເຮົາຈະສູ້ກັບເສິກຄັ້ງນີ້ໄດ້

ແພດໝໍບາງຄົນກໍພາກັນຮ້ອງໂຮວ່າ ທຸກໆຄົນສູ້ໆ ອູ່ຮັ່ນສູ້ໆ

ແພດອີກຄົນໜຶ່ງສະແດງຄວາມຫວັງວ່າ ຂໍໃຫ້ເພື່ອນຮ່ວມຮົບ ແລະ ພະຍາບານທຸກຄົນປອດໄພ ຂໍໃຫ້ຄົນເຈັບຂອງເຮົາປອດໄພເຊັ່ນກັນ

ແພດຍິງທັງສອງຄົນກ່າວປິດທ້າຍວ່າ ຂໍໃຫ້ອູ່ຮັ່ນປອດໄພ ຂໍໃຫ້ທຸກຄົນຜ່ານພົ້ນໄພຄັ້ງນີ້ໄປໄດ້ດ້ວຍດີ ແລະ ຂໍໃຫ້ທຸກຄົນມີຄວາມສຸກຕ້ອນຮັບກຸດຈີນ

ຂ່າວທົ່ວໄປ