ຕາດູຕົນ ກັດແຂ້ວສູ້ຢູ່ສວນກ້ວຍບໍ່ໄດ້ ຈຳເປັນຍ່າງກັບເຮືອນ ໃຜພົບເຫັນຊ່ວຍລາວແດ່

ຕາດູຕົນ ກັດແຂ້ວສູ້ຢູ່ສວນກ້ວຍບໍ່ໄດ້ ຈຳເປັນຍ່າງກັບເຮືອນ ໃຜພົບເຫັນຊ່ວຍລາວແດ່

ສອງສ່ຽວຢູ່ບ້ານ ນາຕະລູ້ມ ເມືອງ ມະຫາໄຊ ແຂວງ ຄໍາມ່ວນ ຕັດສິນໃຈກັດພັນສູ້ຊີວິດລົງໄປເຮັດວຽກຢູ່ສວນກ້ວຍຂອງຈີນແຫ່ງຫນຶ່ງທີ່ແຂວງ ອັດຕະປື

 ຕັ້ງແຕ່ເດືອນ7/2021ຕາມການບອກເລົ່າຂອງທັງສອງ ຮອດວັນທີ 21/9/2021 ທັງສອງໄດ້ພາກັນຍ່າງມາແຕ່ແຂວງ ອັດຕະປື ເພື່ອຈະກັບບ້ານເກີດເມືອງນອນຂອງຕົນ

ມາຮອດບ້ານ ນາທ່ອນ ເມືອງ ແລະ ແຂວງ ສາລະວັນ ຂອງວັນທີ 26/9/2021 ແລ້ວໄດ້ມາຂໍຄວາມຊ່ວຍເຫລືອນໍາພວກຂ້າໃຫ້ລັດລົດໃຫ້ແຕ່ບໍ່ມີໃຜກ້າເອົາພວກກ່ຽວໄປນໍາຍ້ອນທັງສອງຍັງບໍ່ທັນໄດ້ສັກຢາວັກຊິນ, ບໍ່ມີເອກະສານເດີນທາງຈາກຫນ່ວຍສະເພາະກິດຕ້ານໂຄວິດ, ມີແຕ່ໃບຢັ້ງຢືນທີ່ຢູ່ ພວກຂ້າໄດ້ໂທຫາຄອບຄົວພວກກ່ຽວກະວ່າບໍ່ມີຄວາມສາມາດມາຮັບໄດ້ ອີກຢ່າງກະຄືຮູ້ນໍາກັນດີວ່າຊ່ວງພະຍາດໂຄວິດນີ້ຢູູ່ໃສກະປິດບ້ານປິດເມືອງເສດຖະກິດກະຜືດເຄືອງ ເມື່ອເປັນເຊັ່ນນັ້ນພວກຂ້າໄດ້ຖາມທັງສອງວ່າ: ຈະເຮັດແນວໃດດີ, ພວກກ່ຽວຕອບດ້ວຍນໍ້າສຽງເບົາໆວ່າ:

ຊິພາກັນຍ່າງເມືອຕໍ່ ພວກຂ້າສຸດທີ່ອີດູຕົນສົງສານເລີຍໄດ້ເອົາເຂົ້າ, ອາຫານ ແລະ ນໍ້າດື່ມໃຫ້ທັງສອງ ແລ້ວພວກກ່ຽວກ່າວຄໍາຂອບໃຈ ແລະ ພາກັນຍ່າງຈາກໄປ.

ຖ້າຫາກວ່າຜູ່ໃດມີໃຈບຸນພົບເຫັນພວກກ່ຽວຈົ່ງມີໃຈເມດຕາຊ່ວຍເຫລືອພວກກ່ຽວທັງສອງດ້ວຍເທີ້ນ.

(ຂໍພາວະນາອວຍພອນໃຫ້ທັງສອງເດີນທາງດ້ວຍຄວາມປອດໄຟສູ່ອ້ອມກອດຂອງຄອບຄົວສຸດທີ່ຮັກ)

ຂ່າວຈາກ :

ຂ່າວທົ່ວໄປ