ພໍ່ຢູ່ໃສ? ຢາກໃຫ້ເຈົ້າໄດ້ອ່ານ ຂ້ອຍເປັນຄົນຢູ່ຫ່າງໄກພໍ່ແມ່ ເວລາມີບັນຫາບໍ່ຄ່ອຍໃຫ້ເພີ່ນຮູ້ ແຕ່ກຳລັງໃຈດີໆທີ່ເຮັດໃຫ້ເຮົາສູ້ຄື ພໍ່ແມ່

ພໍ່ຢູ່ໃສ? ຢາກໃຫ້ເຈົ້າໄດ້ອ່ານ ຂ້ອຍເປັນຄົນຢູ່ຫ່າງໄກພໍ່ແມ່ ເວລາມີບັນຫາບໍ່ຄ່ອຍໃຫ້ເພີ່ນຮູ້ ແຕ່ກຳລັງໃຈດີໆທີ່ເຮັດໃຫ້ເຮົາສູ້ຄື ພໍ່ແມ່

ພໍ່ຢູ່ໃສ  ເລົ່າເລື່ອງໂພສໄວ້ເຕືອນໃຈໂຕເອງ

ຂ້ອຍເປັນຄົນຢູ່ຫ່າງໄກພໍ່ແມ່ ເວລາມີບັນຫາບໍ່ຄ່ອຍໃຫ້ພໍ່ແມ່ຮູ້ຢ້ານເພິ່ນຄິດນຳເຮົາ (ຕອນນັ້ນຂ້ອຍເຈີບັນຫາໜັກທີ່ສຸດໃນຊີວິດ ທາງຕັນທໍ້ໝົດທຸກຢ່າງຄິດວ່າຈະຍອມແພ້ແລ້ວ ອົດແບກຮັບບໍ່ໄຫວເລີຍມາເລົ່າໃຫ້ພໍ່ຟັງ ເພາະສ່ວນຫຼາຍບໍ່ມັກໃຫ້ພໍ່ແມ່ຮູ້ວ່າເຮົາມີບັນຫາຫຼືທຸກໃຈ) ສິ່ງທີ່ພໍ່ບອກຂ້ອຍໃນແຊັດນີ້ເປັນກຳລັງໃຈສຸດທ້າຍຂອງຂ້ອຍທີ່ເຮັດໃຫ້ຂ້ອຍສູ້ຕໍ່ ນັບແຕ່ມື້ນັ້ນມາຂ້ອຍກໍ່ເລືອກທີ່ຈະບໍ່ແບກຮັບມັນໄວ້ຄົນດຽວມີຫຍັງກະຈະມາເວົ້າສູ່ພໍ່ແມ່ຟັງມາປຶກສາຕະຫຼອດ.

-ມື້ນີ້ຂ້ອຍໄດ້ເຈີກັບບັນຫາເກົ່າອີກຄັ້ງເຮັດໃຫ້ຂ້ອຍຄິດເຫັນໜ້າພໍ່ ຄິດຮອດຢາກປຶກສາຢາກອຸ່ນໃຈ ແຕ່ສິ່ງດຽວທີ່ເຮັດໄດ້ກະຄືກັບໄປອ່ານຄືນສິ່ງທີ່ພໍ່ເຄີຍບອກ ຕອນນັ້ນດ້ວຍຄວາມທີ່ກຳລັງໄຫ້ຟູມຟາຍຢູ່ຄິດຫຍັງບໍ່ອອກ ເລີຍເລື່ອນໄປເຫັນຂໍ້ຄວາມໃນແຊັດນີ້ ຂ້ອຍຢຸດອ່ານແລ້ວຮູ້ສຶກຍິ້ມ ແລະ ໃຈເຢັນຂຶ້ນ(ແຕ່ກະບໍ່ເຊົາໄຫ້ດອກ ໄຫ້ຕໍ່ຍ້ອນຄິດຮອດພໍ່  ພໍ່ເປັນຄົນທີ່ຄິດຫາແລ້ວເຮັດໃຫ້ຂ້ອຍອຸ່ນໃຈທຸກຄັ້ງ ເຖິງມັນຈະບໍ່ແມ່ນຄຳຕອບທີ່ດີທີ່ສຸດແຕ່ມັນເຮັດໃຫ້ເຮົາຮູ້ສຶກດີ ມີກຳລັງໃຈຂຶ້ນມາສູ້ກັບບັນຫາທີ່ກຳລັງປະເຊີນຢູ່ ຄຳສັ້ນໆແຕ່ລ້ານຄວາມໝາຍ

ເຖິງຄົນອື່ນຈະບໍ່ແນມເຫັນຄ່າເຮົາ ພໍ່ຄົນນີ້ຍັງຄອຍຢູ່ຂ້າງໆ, ໃຫ້ກຳລັງ ແລະ ພູມໃຈໃນໂຕລູກຄົນນີ້ສະເໝີ ແຕ່ນີ້ຕໍ່ໄປຄືຊິບໍ່ມີອີກແລ້ວຄົນທີ່ຄອຍໃຫ້ຄຳປຶກສາ ໃຫ້ກຳລັງໃຈຄອຍບອກສອນລູກ ຈະເກັບຄຳນີ້ໄວ້ເຕືອນໃຈໂຕເອງທຸກຄັ້ງທີ່ເຈີບັນຫາເດີພໍ່ ລູກຮູ້ວ່າພໍ່ຢູ່ຂ້າງລູກຕະຫຼອດ ແນມລົງມາຍິ້ມໃຫ້ກຳລັງໃຈລູກຄົນເກັ່ງຂອງພໍ່ແນ່ເດີ Viengsone Savanh

ຄິດຮອດຫຼາຍ…

ຮັກແລະຄິດຮອດສະເໝີ

ພໍ່ຄົນເກັ່ງຂອງລູກ

SAVANHFamily

ຂ່າວທົ່ວໄປ