ທຣຳຢືນຢັນຄວ້ຳບາດອີ່ຣານ ຂໍນານາຊາດຍື່ນມືຊ່ວຍ ສະຫະລັດເຮັດໄປເພື່ອສັນຕິພາບ

ທຣຳຢືນຢັນຄວ້ຳບາດອີ່ຣານ ຂໍນານາຊາດຍື່ນມືຊ່ວຍ ສະຫະລັດເຮັດໄປເພື່ອສັນຕິພາບ

ສະຖານະການຍັງຮ້ອນແຮງຕໍ່ເນື່ອງ ກໍລະນີທີ່ປະທານາທິບໍດີຂອງສະຫະລັດສັ່ງສັງຫານນາຍພົນ ກາຊີມ ສຸໄລມານີ ຂອງອີຣານໃນອາທິດແລ້ວນີ້ ໂດຍຫຼ້າສຸດເວລາ 11:00 ໂມງຕາມເວລາທ້ອງຖິ່ນຂອງວັນທີ 8 ມັງກອນ 2020 ນີ້ ທຣັມໄດ້ອອກມາຖະແຫຼງເຖິງເຫດຜົນທີ່ຕ້ອງກຳຈັດ ນາຍພົນຜູ້ຊົງອິດທິພົນດັ່ງກ່າວ ທຣັມກ່າວປະມານວ່າສົມຄວນຕາຍແລ້ວ ແລະຄວນໂຈມຕີຕັ້ງແຕ່ດົນ(ຄວາມເປັນຈີງໃນຈຸດນີ້ຄົງຂັດໃຈຄົນທັ້ງໂລກຈຳນວນບໍ່ໜ້ອຍ)

ທຣັມໄດ້ປະກົດຕົວໃນທຳນຽບຂາວພຽງເວລາສັ້ນໆ ແລະກ່າວວ່າ ສາມາດກ່າວໄດ້ຢ່າງພາກພູມໃຈ ແລະມີຄວາມສຸກວ່າບໍ່ມີທະຫານຂອງອາເມລິກາເສຍຊີວິດຈາກການຍິງຂີປະນາວຸດຂອງອີຣານແຕ່ຢ່າງໃດ ແລະຂໍຂອບໃຈສະແດງຄວາມຊື່ນຊົມຍິນດີກັບກອງກຳລັງຂອງສະຫະລັດທີ່ໄດ້ທຳໜ້າທີ່ກັນຢ່າງເຕັມທີ່ມີທັກສະທີ່ສູງໃນການດູແລປ້ອງກັນຕົວເອງ

ໂດນັນ ທຣັມ ຍັງກ່າວເຖິງອີກວ່າອີຣານເປັນປະເທດທີ່ໃຫ້ການສະໜັບສະໜູນການກໍ່ການຮ້າຍທີ່ມີບົດບາດສຳຄັນຫຼາຍ ນັ້ນເປັນສິ່ງທີ່ເຮັດໃຫ້ຕ້ອງຕັດສິນໃຈສັງຫານນາຍພົນຂອງອີຣານໃນອາທິດແລ້ວນີ້ ເພາະເຂົາເປັນຜູ້ນຳທາງການທະຫານທີ່ໄດ້ສ້າງຄວາມເສຍຫາຍຫຼວງຫຼາຍ ແລະເປັນຜູ້ທີ່ຢູ່ເບື້ອງຫຼັງການໂຈມຕີຫຼາຍຄັ້ງໃນພູມີພາກຕາເວັນອອກກາງ

ນາຍພົນສຸໄລມານີ ເປັນຜູ້ທີ່ຢູ່ເບື້ອງຫຼັງການໂຈມຕີສະຖານທູດສະຫະລັດປະຈຳນະຄອນຫຼວງແບັກແດັດ ເຮັດໃຫ້ມີທະຫານອາເມລິກັນເສຍຊີວິດ ຄວາມຈີງຄວາມສັງຫານນາຍພົນຄົນນີ້ແຕ່ດົນແລ້ວ ທຣັມກ່າວໃນພິທີຖະແຫຼງຂ່າວ

ທຣັມຍັງຢຶດໝັ້ນໃນເຈດຕະນາຕົນຈະຕ້ອງເດີນໜ້າມາດຕະການຄວ້ຳບາດຕໍ່ອີຣານຕໍ່ໄປ ຈົນກວ່າອີຣານຈະຕັດສິນໃຈປ່ຽນແປງຮູບແບການປົກຄອງການບໍລິຫານຂອງຕົນເອງ

ທຣັມຍັງກ່າວເຖິງຂໍ້ຕົກລົງຂໍ້ຈຳກັດການພັດທະນາອາວຸດນີວເຄລຍທີ່ອີຣານໄດ້ຮ່ວມລົງນາມກັບສະຫະລັດ ແລະໄດ້ເງິນຊ່ວຍເຫຼືອໄປບໍ່ຕ່ຳກວ່າ 150.000 ລ້ານໂດລາສະຫະລັດ ຈຸດນີ້ແທນທີ່ອີຣານຄວນຂອບໃຈເມກາ ແຕ່ກັບເຮັດໃຫ້ຖານທັບຂອງອາເມລິກາລົ້ມຕາຍ

ທຣັມກ່າວວ່າ ເຖິງເວລາແລ້ວທີ່ບັນດາປະເທດບັນດາປະເທດສະມາຊິກຖາວອນຂອງ ສປຊ ອັງກິດ, ຝຣັ່ງ, ຈີນຈະຕ້ອງລົ້ມເລີກຂໍ້ຕົກລົງກັບອີຣານ ເພື່ອມາຮ່ວມພະລັງກັບສະຫະລັດກົດດັນອີຣານ

ທຣັມຍັງຮຽກຮ້ອງຕໍ່ນານາຊາດວ່າຈະຕ້ອງຢຸດຕິການກະທຳຂອງອີຣານ ຖານະທີ່ເປັນປະເທດທີ່ກໍ່ໃຫ້ເກີດກຸ່ມກໍ່ການຮ້າຍ ແລະກຳລັງຮຽກຮ້ອງໃຫ້ສົນທີສັນຍາປ້ອງກັນອັດລັງຕິກເໜືອຂອງນາໂຕໃຫ້ເຂົ້າມາມີສ່ວນຮ່ວມໃນການຜ່ອນຄາຍສະຖານະການສະຖານະການຄວາມຮຸນແຮງໃນຕາເວັນອອກກາງ

ໂດນັນ ທຣັມໄດ້ກ່າວດ້ວຍຄວາມພາກພູມໃຈວ່າ ການໂຈມຕີໃນຄັ້ງນີ້ໄດ້ສະແດງໃຫ້ເຫັນເຖິງສັກກາຍະພາບຂອງອາວຸດຍຸດໂທປະກອນຂອງສະຫະລັດ ທີ່ພິສູດແລ້ວວ່າມີຄຸນນະພາບພຽງໃດ ແລະສະຫະລັດບໍ່ມີຄວາມຈຳເປັນຕ້ອງໃຊ້

ໂດຍລວມແລ້ວການປະກົດໂຕຄັ້ງນີ້ຂອງປະທານາທິບໍດີສະຫະລັດອາເມລິກາ ແມ່ນເພື່ອຢັ້ງຢືນເຖິງຄວາມປອດໄພຂອງສະຫະລັດໃນຕາເວັນອອກກາງ ໂດຍສະເພາະຈຸດທີ່ຖືກໂຈມຕີເຊົ້າວັນທີ 8, ພ້ອມຢ້ຳຕື່ມເຫດຜົນທີ່ຕັດສິນໃຈສັ່ງການສັງຫານນາຍທະຫານຜູ້ຊົງອິດທິພົນຂອງອີຣານ

ຂ່າວທົ່ວໄປ