ໝໍແນ່ງ ລະດົມທືນ 16 ລ້ານກີບຊື້ໜ້າກາກອະນາໄມຊ່ວຍ 2 ໂຮງໝໍ

ໝໍແນ່ງ ລະດົມທືນ 16 ລ້ານກີບຊື້ໜ້າກາກອະນາໄມຊ່ວຍ 2 ໂຮງໝໍ

ດັ່ງທີ່ຮູ້ວ່າໃນປັດຈຸບັນ ການແພ່ລະບາດຂອງພະຍາດເຊື້ອໄວຣັດໂຄວິດ-19 ໄດ້ແພ່ລາມເປັນວົງກວ້າງໃນທົ່ວໂລກ. ໂດຍສະເພາະ, ປະເທດລາວກໍມີຍອດຄົນຕິດເຊື້ອໂຄວິດ-19ມາແລ້ວ 2 ຄົນທີ່ເພິ່ນແຈ້ງໃຫ້ຮູ້ໃນວັນທີ 24 ມີນາ 2020 ທີ່ຜ່ານມາ, ເຮັດໃຫ້ຄົນໃນບັນເທີງຫຼາຍຄົນອອກມາຊ່ວຍເຫຼືອກັນ. ໜຶ່ງໃນນັ້ນກໍແມ່ນ “ໝໍແນ່ງ – ຈັນດາລີ ສິດພະໄຊ” ຜູ້ໃຈບຸນ ງາມທັງກາຍ ແລະ ໃຈ ບໍ່ວ່າປະເທດລາວເຮົາ ຈະປະສົບວິກິດ ຫຼື ໄພພິບັດຫຍັງ ເພິ່ນກໍອອກມາຊ່ວຍເຫຼືອຢູ່ເລື້ອຍໆ

ຫຼ້າສຸດ ໝໍແນ່ງ ໄດ້ໂພສຜ່ານເຟສບຸກສ່ວນໂຕຂອງຕົນກ່ຽວກັບການສ້າງໂຄງການລະດົມທຶນຊ່ວຍເຫຼືອຊື້ໜ້າກາກ ອະນາໄມໃຫ້ໂຮງໝໍມິດຕະພາບ ແລະ ໂຮງໝໍມະໂຫສົດ, ນັບໄດ້ວ່າເປັນໂຄງການທີ່ດີຫຼາຍໃນວິກິດການແບບນີ້ ເພື່ອຊ່ວຍເຫຼືອສັງຄົມ ກໍຄືຄົນລາວນຳກັນ. ເມື່ອອີງຕາມສະພາບປັດຈຸບັນໜ້າກາກອະນາໄມແມ່ນຫາຍາກຫຼາຍ ແລະ ມີລາຄາສູງ ເຮັດໃຫ້ໜ້າກາກອະນາໄມປັດຈຸບັນຢູ່ໂຮງໝໍນັ້ນບໍ່ສາມາດຕອບສະໜອງໃຫ້ໄດ້ພຽງພໍ ແລະ ທາງທີມງານແພດໝໍແມ່ນມີຄວາມຕ້ອງການໃນການນຳໃຊ້ເຂົ້າໃນອົງກອນວຽກງານ ແລະ ຄວບຄຸມການແພ່ລະບາດເຊື້ອໄວຣັດໂຄວິດ-19 ນີ້ໃຫ້ທັນການ

ດັ່ງນັ້ນໝໍແນ່ງຈຶ່ງສ້າງໂຄງການຮ່ວມໃຈກັນຊ່ວຍເຫຼືອຊື້ໜ້າກາກອະນາໄມນີ້ຂຶ້ນມາ ແລະ ກໍພົບວ່າມີຜູ້ໃຈບຸນຫຼາຍທ່ານເມື່ອຮູ້ຂ່າວກໍບໍ່ລໍຊ້າ ພ້ອມຮ່ວມຊ່ວຍບໍລິຈາກຜູ້ລະເລັກລະໜ້ອຍດ້ວຍຄວາມຈິງໃຈທັນທີ ໂດຍຜ່ານໜ້າບໍລິຈາກ OneHeart ທີ່ຕັ້ງຂຶ້ນມາ ຈົນຄົບເປົ້າທີ່ຕັ້ງໄວ້ຄື 16,000,000 ກີບ ພາຍໃນມື້ດຽວ. ຂໍຊົມເຊີຍໃນຄວາມຕັ້ງໃຈຂອງໝໍແນ່ງອີຫຼີ! ທັງງາມ ແລະ ດີ ສົມເປັນແບບຢ່າງທີ່ດີໃຫ້ສັງຄົມ ແລະ ພ້ອມໄດ້ບອກຄ່າໃຊ້ຈ່າຍຢ່າງລະອຽດຄື: ລາຄາສະເລ່ຍ 160,000 ກີບຕໍ່ກ່ອງ,​ ລາຄາທັງໝົດ 16,000,000 ກີບຕໍ່ກ່ອງ,​ 50 ກ່ອງ ມອບໃຫ້ໂຮງໝໍມິດຕະພາບ 150 ຕຽງ ແລະ 50 ກ່ອງມອບໃຫ້ມະໂຫສົດ

ທັງນີ້ ໝໍແນ່ງກໍໄດ້ໂພສຂອບໃຈທຸກຄົນ ແລະ ທຸກພາກສ່ວນທີ່ມີນໍ້າໃຈຮັກແພງຊ່ວຍເຫຼືອກັນ ຂໍໃຫ້ທຸກຄົນສຸຂະພາບແຂງແຮງ ສຸກກາຍ ສຸກໃຈ

ຂ່າວທົ່ວໄປ