16/8/2021 ພົບຜູ້ຕິດເຊື້ອໂຄວິດ-19 ໃໝ່ຢູ່ລາວ 349 ກໍລະນີ ຢູ່ເມືອງຕົ້ນເຜິ້ງ ແຂວງບໍ່ແກ້ວ ມີຜູ້ຕິດເຊື້ອໃນຊຸມຊົນໃໝ່ເຖິງ 27 ຄົນ

16/8/2021 ພົບຜູ້ຕິດເຊື້ອໂຄວິດ-19 ໃໝ່ຢູ່ລາວ 349 ກໍລະນີ ຢູ່ເມືອງຕົ້ນເຜິ້ງ ແຂວງບໍ່ແກ້ວ ມີຜູ້ຕິດເຊື້ອໃນຊຸມຊົນໃໝ່ເຖິງ 27 ຄົນ

ໃນວັນທີ່ 16/8/2021 ພົບຜູ້ຕິດເຊື້ອໂຄວິດ-19 ໃໝ່ ຢູ່ ລາວ 349 ກໍລະນີ ໃນນັ້ນ ເມືອງຕົ້ນເຜິ້ງ ແຂວງບໍ່ແກ້ວ ມີຜູ້ຕິດເຊື້ອໃນຊຸມຊົນໃໝ່ ເຖິງ 27 ຄົນ.

ອີງຕາມການຖະແຫຼງຂ່າວຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ປະຈຳວັນທີ 16 ສິງຫາ 2021 ລາຍງານວ່າ ພົບຜູ້ຕິດເຊື້ອໃໝ່ຈຳນວນ 349 ກໍລະນີ.

ໃນນັ້ນ ຜູ້ຕິດເຊື້ອນຳເຂົ້າ ຢູ່ນະຄອນຫຼວງວຽງຈັນ 104 ຄົນ, ສະຫວັນນະເຂດ 53 ຄົນ, ຈຳປາສັກ 55 ຄົນ, ຄຳມ່ວນ 63 ຄົນ, ສາລະວັນ 31 ຄົນໄຊຍະບູລີ 5 ຄົນ ແລະ ຫຼວງພະບາງ 1 ຄົນ.

ສ່ວນ ກໍລະນີຕິດເຊື້ອໃນຊຸມຊົນ ປະກອບມີ ບໍ່ແກ້ວ (ເມືອງຕົ້ນເຜິ້ງ) 27 ຄົນ, ເຊກອງ 1 ຄົນ, ສະຫວັນນະເຂດ 8 ຄົນ ແລະ ຫຼວງພະບາງ 1 ຄົນ (ມາຈາກນະຄອນຫຼວງວຽງຈັນ).

ທັງນີ້ ມາຮອດປັດຈຸບັນ ລາວມີຍອດຜູ້ຕິດເຊື້ອສະສົມທັງໝົດ 10,141 ກໍລະນີ, ກຳລັງປິ່ນປົວ 4,188 ຄົນ ແລະ ເສຍຊີວິດສະສົມ 9 ກໍລະນີ.

ຂ່າວໂດຍ : ທີມບັນນາທິການ muan.la

ອ້າງອີງ: ສູນຂ່າວສານການແພດ ແລະ ສຸຂະສຶກສາ
ຂ່າວທົ່ວໄປ