ເກີດການຄາດຕະກຳ ຢູ່ບ້ານ ໂພນຈະເລີນ (ຄຸ້ມໂພນສີ) ເມືອງປາກກະດີງ ແຂວງບໍລິຄຳໄຊ

ເກີດການຄາດຕະກຳ ຢູ່ບ້ານ ໂພນຈະເລີນ (ຄຸ້ມໂພນສີ) ເມືອງປາກກະດີງ ແຂວງບໍລິຄຳໄຊ

ລາຍງານຈາກປະຊາຊົນໃຫ້ຮູ້ວ່າ ໃນຕອນແລງຂອງວັນທີ 9/2/2020 ໄດ້ເກີດເຫດຂ້າກັນຕາຍຢູ່ ບ້ານໂພນຈະເລີນ (ຄຸ້ມໂພນສີ) ເມືອງປາກກະດີງ ແຂວງບໍລິຄຳໄຊ

ແຖວໂຮງຮຽນ ມໍ ຕົ້ນໂພນຈະເລີນ ຜູ້ເສຍຊີວິດເປັນເພດຊາຍອາຍຸປະມານ 25 ປີຊື່ ທ້າວພັດ ຫຼວງລາດ ຄົນທີ່ໄປນຳແມ່ນໃສເສື້ອຢຶດສີຂາວໂສ້ງຢີ້ນສີຟ້າແກ່ ໃນໂຮງຮຽນມັດທະຍົມໂພນສີແຖວເສັ້ນທາງຂ້າງເດີ່ນບານອິງຕາມເຫດການທີ່ເລົ່າຈາກໝູ່ຂອງຜູ້ຕາຍແມ່ນຢູ່ນຳກັນ 3 ຄົນຜູ້ຕາຍ ແລະ ໝູ່ຄູ່ໃດ້ຂີ່ລົດມາຈາກວຽງຈັນ

ເພື່ອມາຢາມບ້ານໂດຍຜູ້ຕາຍໃດ້ໃຊ້ລົດຈັກ R15 ສີຟ້າພໍມາຮອດບ້ານ ໂພນສີ ກໍ່ໄດ້ຊວນກັນມາຖ່າຍຮູບແຖວໂຮງຮຽນໃກ້ກັບຈຸດເກີດເຫດຫຼັງຈາກນັ້ນກໍ່ໄດ້ພາກັນມາຕະຫຼາດເພື່ອຊື້ເຄື່ອງກິນ ແລະ ເບຍກັບໄປກິນຢູ່ເຮືອນໝູ່

ພໍກັບມາກໍ່ພາກັນກິນດື່ມຈົນເບຍຫມົດຈື່ງໃຫ້ໝູ່ສອງຄົນອອກໄປຊື້ແຕ່ພໍກັບມາໃກ້ຮອດບ້ານກໍ່ເຫັນຜູ້ຕາຍໄດ້ຂີ່ລົດອອກໄປກັບຜູ້ຊາຍເຊິ່ງເປັນພີ່ນ້ອງຂອງຄົນທີ່ອອກໄປຊື້ເບຍແຕ່ຄວາມສຳພັນຂອງເຂົາເຈົ້ານັ້ນແມ່ນບໍຮູ້ຈັກກັນເລີຍ

ພໍເຫັນວ່າຜູ້ຕາຍອອກໄປເລີຍໂທຫາແຕ່ບໍຮັບ ດົນເຕີບເລີຍອອກໄປຊອກແຕ່ກໍ່ບໍ່ເຫັນເລີຍກັບມາບ້ານເພື່ອລໍຖ້າໄດ້ 10 ນາທີແລ້ວອອກໄປຊອກອີກພໍຂີ່ຊອກມາຮອດຈຸດເກີດເຫດກໍ່ມີຄົນ ແລະ ເຈົ້າໜ້າທີ່ຢູ່ແລ້ວເລີຍໄດ້ຖາມເຖິງລັກສະນະຮູບປະພັນຈື່ງໄດ້ຮູ້ວ່າເປັນໝູ່ຂອງຕົນແຕ່ພີ່ນ້ອງທີ່ຂີ່ລົດມານຳກັນແມ່ນບໍ່ເຫັນພ້ອມກັບລົດເລີຍ

ນີ້ແມ່ນຂໍ້ມູນເບື້ອງຕົ້ນທີ່ໄດ້ຮັບຟັງຈາກໝູ່ຜູ້ເສຍຊີວິດ ສ່ວນລາຍລະອຽດເຈົ້າໜ້າທີ່ຍັງສືບສວນຂໍ້ມູນຢູ່ຈະລາຍງານເພີ່ມຕື່ມພາຍຫຼັງ

ຂ່າວທົ່ວໄປ